MAZMUR 71:24 - Alkitab Singog In Mongondow Masa In Tanaa

²⁴ Kinoouput in singgai popotaaukubí in kooadil-Mu, sin intau mita inta moibog mopobodito kon inakó ain sinaḷow bo pinokopo oyámai.

MAZMUR 71:24 ပူးပေါင်းရင်းမြစ်များ

MAZMUR 35:28

Dá akuoi in mopotaa-taaubí mako in kooadil-Mu, bo modayow kon ini-Mu kinoouput in singgai.

MAZMUR 37:30

Intau mopia mosingog takin bijaksana, sia in umuranbí motuḻid kon bonu in singognea.

MAZMUR 70:3

Biódon mako in intau inta moibog moḻimod kon inakó taḷowon bo moḷagui posibayá. Biódon mako in intau inta nonggiow kon rorigaku bongkugon bo singkuḻeon.

MAZMUR 71:13

Biódon mako in intau inta monubu kon inakó pokopooyáanmai bo yopúon. Biódon mako in intau inta moibog mopobodito kon inakó motoboḻingo bo ḻibutan in mokooyá.

MAZMUR 71:15

Kinoouput in singgai oumanonkubí in oaidan-Mu mita inta moadil, bo kasaḷamatan nongkon ini-Mu inta diá koiapan.

MAZMUR 71:8

Akuoi in umuranbí modayow kon ini-Mu, kinoouput in singgai potaauku in koagung-Mu.

MAZMUR 92:11

Binaḻí-Mu in akuoi noropot naonda bo bantong ḻindong, bo nomarakat kon inakó in kobiagan motompia.

MATIUS 12:35

Intau inta mopia mosingog doman kon inta mopia sin ginanea nopuḻing doman inta mopia. Bo intau inta moraat in ginanea in nopuḻing doman inta moraat.

KORINTUS 1 15:25

Ki Kristus in mustibí umuran momarenta modapot in bayongan saturu i Kristus potungkudon i Allah kon tayowon i Kristus.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

ULANGAN 11:19

Tundúdon kon i adímu mita. Oumandon kon bonu in baḷoi bo kon ḷuai in baḷoi, kon dodai in mogogai ande kon dodai in mogaid.