MAZMUR 71:18 - Alkitab Singog In Mongondow Masa In Tanaa

¹⁸ O Allah, dika taḷaan in akuoi, modapot in mogoguyang in akuoi bo ubanan, sinbá akuoi in mopotaau in kawasa bo kototoyang-Mu kon bayongan in buí inta moiduduimai.

MAZMUR 71:18 ပူးပေါင်းရင်းမြစ်များ

KINOBAḺIAN 27:1

Kon singgai tobatú kon tungkuḷ in ki Ishak nogoguyangdon bo nobilog domandon, inoinínea in ki Esau, ki adínea guya-guyang, bodongka noguman kon inia, “Adíku!” “Ya, Papa,” tubag i Esau.

MAZMUR 22:31

Bui mita moiduduimai in mosumbabí kon i Tuhan, Sia in umuranbí popotaau kon bayongan in adí bo ompu.

MAZMUR 48:14

Taridiai in dindingnea, pirikisadon in bentengnea, sinbá motaau in moiko mongonguman kon buímu:

MAZMUR 71:9

Dikabí ḷumbúon-Mu in akuoi kon tungkuḷ in noguyangdon in akuoi dikabí taḷaan kaasí in akuoi aka ropotku in nodaitdon,

MAZMUR 78:4

Diábí bunion nami intua kon i adí mita nami; kami in mopotaaubí kon intau mita inta moiduduimai kon naonda in kawasa i Tuhan bo bayongan inta binaḻí-Nea inta moḷoben, takin aid-Nea mita inta mokoherang.

MAZMUR 78:6

sinbá bui moiduduimai monotaau kon i-Nia, bodongka ingguputan tundúon kon i adí mita monia.

IḶUAIAN 13:8

Kon pomangkoian porayaan tatua moiko in musti mongonguman kon i adímu inta ḷoḷaki kon bayongan tua in pinomia sin monorop kon bayongan inta ain inaidan i Tuhan kon inimu kon tungkuḷ in moiko nonaḷámaidon kon butá in Mesir.

YESAYA 46:4

Akuoi in umuranbí ki Allahmu modapot in moiko mogoguyang; bo umuran moḷukad kon i monimu modapot in moiko ubanan. Akuoi in nopobaḻí kon i monimu bo umuran moḷukad, Akuoi in motuḷungbí bo moposaḷamat kon i monimu.

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

YESAYA 53:1

Bangusa tatua in notubag, “Ki ine in mopirisaya kon onu inta ain dinongog nami? Kon i ine in pinoponiataan in kawasa i Tuhan?

OUMAN IN RASUL MITA 13:36

Naonda in nogaid mako kon onu inta kinoibog i Allah in ki Daud kon wakutu in nobiagpa, sia in minatoi domandon bo iḷobong kon diug i mogoguyangnea. Dá noyoyangbí domandon komintan in awaknea.

SAMUEL 1 4:15

Kon dodai intua ki Eli umurdon siow nopuḷú bo waḷu notaong bo matanea in diádon mosilang.

SAMUEL 1 4:18

Naonda in intau tatua nopotaau in soaḷ Poti Dodandian tatua, ki Eli noḷabú noiboḻingkayang nongkon kaderanea kon ḻimako in ngara moḷoben. Nogoguyangdon totok in sia bo noḷongó dá naonda in noḷabú sigogownea noputoḷ, bo poḷat minatoi in sia. Sia in nobaḻí itoi kon Israel opat nopuḷú notaong in koonggotnea.