MAZMUR 69:8 - Alkitab Singog In Mongondow Masa In Tanaa

⁸ Sin popisíbí in Iko dá siningkuḻe in akuoi, popisí in Iko akuoi in irebeg.

MAZMUR 69:8 ပူးပေါင်းရင်းမြစ်များ

MAZMUR 31:11

Kobiaganku modait kon bonu in roriga, taongku mita moitaḻib kon bonu in amui mita. Ropotku in mogaat popisí in aidku moraat, nodapot in tuḷanku mita moripú.

MAZMUR 38:11

Putúku in modoḷodok, ropotku in nodait, mataku in noyambotdon.

MAZMUR 89:51

Toropdon kaasí o Tuhan, naonda in pinongongempeng kon mogogundoi-Mu naa, akuoi in nobaba kon singkuḻe in nobayong in bangusa.

MAZMUR 89:52

Musung-Mu mita in noningkuḻe kon datu inta piniḻí-Mu, o Tuhan, norebeg kon inia kon ondakabí in bayáannea.

YESAYA 50:6

Inogoiku in ḻikudku kon intau inta nomongkug kon inakó; bo putongiku kon intau inta norabut kon kumiku. Akuoi in diábí nopoḷagui in pogotku kon tungkuḷ in akuoi siningkuḻe bo dinuyáan.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

YESAYA 53:4

Bokaka takitbí naton in inta binabanea, rorigabí naton in pinotaannea, bokaka kai naton in roriganea tatua in hukumanbí i Allah kon inia.

YEREMIA 15:15

Bo akuoi in noguman, “Tuhan, Iko in nomangaḻe. Toropdon bo tuḷungaipa kaasí in akuoi. Tuḻíaidon in mosia inta nogaḷow bo inta nomogutú kon inakó. Dika moiḻiu in sabar kon i monia modapot in mosia bain mokoḻimod kon inakó. Toropdon kon popisí in Iko dá akuoi in siningkuḻe.

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

YOHANES 1:11

Sia in namangoi in dunia inta pinomia-Nea tontaní táe intau mita kapunyaan-Nea tatua in doí motarima kon i-Nia.

YOHANES 7:5

Sin ki utat-Neapa mita tontaní in diápabí doman mopirisaya kon i-Nia.)

SAMUEL 1 17:28

Ki Eliab ki utat i Daud inta guya-guyang totok nokodongog kon i Daud nongonguman takin in tontara mita. Sinumorú in sia kon i Daud poḷat noguman, “Nongonu sin iko in namangoibí in naa? Ki ine in pinoki ḷukadanmu in dombamu mita inta doyowa toḷu tua kon padang gurun? Kinotaauankubí, kon iko nion in tumekeng mobarani; iko nion in mamangoi tongábí moindoi kon poparangan?”