MAZMUR 69:27 - Alkitab Singog In Mongondow Masa In Tanaa

²⁷ Sin mosia in nomogutú kon intau inta ihukum-Mu, bo mongonguman magí-mako kon soaḷ intau inta iyoyiga-Mu.

MAZMUR 69:27 ပူးပေါင်းရင်းမြစ်များ

NEHEMIA 4:5

Dika ampungan in aid monia inta moraat bo dika ḻiongon in dosa monia, sin mosia in noningkuḻedon kon inami inta koyogot noposindog bui tanaa.”

AYUB 19:22

Ki Allah tantú mondorot kon inakó; nongonu sin dayananbí monimu in Sia? Diápa degá moguḻí in ibog monimu in moposikisa?

MAZMUR 109:14

Biódon mako in aid moraat in mogoguyangnea umuran kotoropan i Tuhan, bo dosa i inánea in diábí popatan.

MAZMUR 24:5

Siabí tua inta barakatan bo posaḷamaton i Tuhan, bo poniata i Allah kon diá kotaḷá.

MAZMUR 81:12

Táe umat-Ku in doí mokidongog kon i-Nakó, Israel in doí motoindudui kon i-Nakó.

IḶUAIAN 8:15

Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

IḶUAIAN 8:32

Táe tanaa datu buipa doman nokopotontogat kon gina bo diádon inogoinea in bangusa tatua mayá.

IḶUAIAN 9:12

Táe ki Tuhan nopotontogat doman in gina i datu, bo ná doman inta ain pinoguman i Tuhan, datu in doíbí mopandungmai kon tosingogon i Musa bo i Harun.

YESAYA 26:10

Umpaka intau moraat pinopoaidan in inta mopia, diábí doman in sia mobalajar kon onu inta mobanar. Kon negara inta oyúon in hukum sia in mopoaidbí doman kon inta motombogá, bo doíbí motarima kon kawasa i Tuhan.

YESAYA 5:6

Pomayá-Kubí mako in sia in kobiagan in bonok. Pangkoi in anggurnea diábí rapadan-Ku, bo diábí tuyangan-Ku. Modapotbí in pomayá-Ku mako kokoḷoban in mainggoa bo bonok, nodapot in goḷom mita diá ogoi-Ku mopoḷabú in uyan kon tudunea.”

YESAYA 53:4

Bokaka takitbí naton in inta binabanea, rorigabí naton in pinotaannea, bokaka kai naton in roriganea tatua in hukumanbí i Allah kon inia.

IMAMAT 26:39

Bo ki ine in kon sigad monimu inta nobiagpa kon butá in musungmu mobiagdon moyoyiga popisí in dosamu tontaní bo dosa in mogoguyangmu.

MATIUS 21:19

Kon diugmai in daḷan oyúon pangkoi in ara inontong-Nea, dá Sia minayá notayak kon bungainea, táe diá nokouḻí kon tobatúmai koḻikudbí in daunnea mita kon tua. Dá siningog-Nea in pangkoi ara tatua, “Iko in diá bidon mopomunga-mungai!” Bo kon dodaipa doman tatua, pangkoi in ara tatua noingkag.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

SURAT I PAULUS KON JAMAAT RUM 9:18

Dá ki Allah in motabi kon intau inta kinoibog-Nea. Bo popotogaton-Nea in gina intau tobatú aka tua in kino ibog-Nea doman.

SURAT I PAULUS KON JAMAAT RUM 9:31

Táe aka intau in Yahudi umuran moramuji dumudui kon hukum in agama sinbá motompia bui in hubungan monia takin i Allah. Táe diá in mosia mokodapot.

TIMOTIUS 2 4:14

Ki Aleksander inta mononontaḷ kon tambaga tua, nomiadon kon inta totok in diá mopia kon inakó. Tongá tuḻíanbí i Tuhan in oaidnea tatua podudui doman in oaidnea.