MAZMUR 69:20 - Alkitab Singog In Mongondow Masa In Tanaa

²⁰ Kinotaauan-Mu kon akuoi in totokbí in irebeg, siningkuḻe bo iraa-raatmai, inontong-Mubí in bayongan in musungku.

MAZMUR 69:20 ပူးပေါင်းရင်းမြစ်များ

MAZMUR 123:4

Tugatdon in pinogogempeng in intau nooyúon kon inami, bo singkuḻe in intau mita moḷoḷatú.

MAZMUR 142:4

Kon dodai in akuoi gogió bo kobuḻian in kamang, kinotaauan-Mu mongo onu in musti aidanku. Kon daḷan inta musti bayáanku, musung inumado-adop notaan kon potait kon inakó.

MAZMUR 42:10

Akuoi in noguman kon i Allah, mododuḷuku, “Nongonu sin kinoḻiongan-Mubí in akuoi? Nongonu sin akuoi in mustibí umuran mobaba kon roriga, popisí in doroton in musungku mita?”

MAZMUR 42:6

Nongonu sin ginaku in moajarbí bo moḻia-ḻiaw? Akuoi in mongamang mako kon i Allah. Dá akuoi in buibí mopoyaput in sukur kon i-Nia, kon i Allahku bo mopoposaḷamatku.

YESAYA 63:5

Akuoi in notayak táe diá in notuḷung, Akuoi in noherang sin diá in nobantung. Bo ropot-Ku tontaní in notuḷung kon i-Nakó, Torú-Ku in nobantung kon i-Nakó.

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

MARKUS 14:37

Nosambayang mako in ki Yesus namangoi bui in Sia kon murí-Nea mita, bo kinobayáan-Neamai nongosiug in mosia. Sia in noguman kon i Petrus, “Simon, nosiug degá iko? Tongá tojam yo diá mokooḷat in iko?”

MARKUS 14:50

Murí-Nea mita in noroḷagui nonaḷámai kon i-Nia.

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

YOHANES 16:32

Pokotorop! Moiangoibí in wakutunea, sedang bo noiangoi bidon, moiko in poyayiton. Moiko in mobuidon kon baḷoinea-baḷoinea bo taḷaandon monimu in Akuoi. Táe Akuoi in diábí tongá Aku-Akuoi mita, sin ki Amá in kotaki-takin-Kubí.

IBRANI 11:36

Oyúon in irupa-rupamai, sinambok, sinogot in rante bo pinobonu kon ponjara.