MAZMUR 69:18 - Alkitab Singog In Mongondow Masa In Tanaa

¹⁸ Dikabí mogadop kon mogogundoi-Mu naa, sin moyoyigadon totok in akuoi, ḷagidon tuḷungai mangoi in akuoi.

MAZMUR 69:18 ပူးပေါင်းရင်းမြစ်များ

AYUB 6:23

Degá akuoi nopoigum sinbá posaḷamaton bo tobuton nongkon musung inta diá kototabi?

MAZMUR 10:1

Nongonu sin iko in noyayúbí, o Tuhan bo mogadop kon tungkuḷ in kami mororiga?

MAZMUR 111:9

Sia in nopoḷuat kon umat-Nea, bo nomia kon dodandian mononoi takin i monia. Sia tua in ki Tuhan inta mokudus bo motorindog!

MAZMUR 143:7

Ḷagidon kaasí tubagai in akuoi, o Tuhan, sin diádon in kamangku. Dika mogadop kon inakó, sinbá akuoi in diá ná intau inta ain noponag kon dunia in intau minatoi.

MAZMUR 22:1

Kon i itoi in mododondong. Podudui in dondong: Rusa kon dodai in modiug mobayag. Mazmur i Daud.

MAZMUR 22:12

Dikabí yumayú, sin anib in nodiugdon, bo diá in motuḷung.

MAZMUR 22:19

Mosia in nosilai kon pakeangku, bo nopogonik in undi sin mogamá kon jubahku.

MAZMUR 22:20

Táe Iko, dikabí yumayú, o Tuhan, ḷagidon angoi bo tuḷungai in akuoi, sin Ikobí in ropotku.

MAZMUR 27:9

dikabí mogadop kon inakó.” Dikabí tumorú bo doí motarima kon i mogogundoi-Mu, sin Ikobí in inta ain notuḷung kon inakó. Dikabí moḷumbú kon inakó andeka monaḷámai kon inakó, o Allah, mopoposaḷamatku.

MAZMUR 31:5

Poḷuatdon in akuoi nongkon potait inta sinaan kon inakó, sin Ikobí in pogogadopanku.

MAZMUR 49:15

Naonda bo domba, mosia in sinantúbí kon matoi; popatoi in mobaḻí gombala monia. Doḷo-doḷom mosia sinaḷowdon in intau mojujur; awak monia in ḷagidon mobongkog kon dunia in intau minatoi, noyayú kon pogogutunan inta mopia totok.

YEREMIA 14:8

Tongábi Iko tontaní in nobaḻí kamang Israel, inta noposaḷamat kon inami nongkon anib. Táe nongonu sin Iko in naondabí bo intau ango-angoi kon butá nami, naonda bo mobobayá inta tongá nongandup togobii bo minayá bui?

ULANGAN 32:27

Táe doíbí in Akuoi aka musung in Israel dumodia; dika-dika bo moitaḷá mosangka bo moguman kon mosia in nonaḷow kon umat-Ku,’ bokaka Akuoibí in nogaid kon tua.

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”