MAZMUR 68:34 - Alkitab Singog In Mongondow Masa In Tanaa

³⁴ kon i-Nia inta nongin baḷangon dungkuḷmai. Indongogai! Ki Tuhan in nosingog, singog-Nea in moḷangon totok.

MAZMUR 68:34 ပူးပေါင်းရင်းမြစ်များ

MAZMUR 150:1

Dayowdon in ki Tuhan! Dayowdon in ki Allah kon bonu in Baḷoi-Nea! Dayowdon in ropot-Nea kon ḷangit!

MAZMUR 29:4

Singog i Tuhan kinodongogan, nopuḻing in kawasa bo kototorindog.

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.

ULANGAN 33:27

Ki Allah in umuranbí mobaḻí mototuḷungmu, kokaḷ-Nea inta mononoi in motonoi kon i monimu. Sia in noguntun kon musung nongkon tayowon monimu, bo nopotabá kon i monimu noyopú kon i monia.

PETRUS 2 1:17

Kon tuabí in kami wakutu in Sia i horomat bo pinomulia i Allah Amá. Kon wakutu intua kinodongogandon in singog nongkon i Inta Totok Momulia, inta noguman kon i-Nia, “Naabí in ki Adí-Ku inta Kinotabi-Ku. Sia in kinosanang in gina-Ku!”

WAHYU 19:6

Onda intua akuoi in nokodongog kon ná giow in intau mobayong inta noyosipun; kotombánea in naonda bo singog in bokoḷ kon dagat bo gotup inta moyo-moyodudui. Dinongogku mosia in noguman, “Dayowdon in ki Allah! Sin ki Tuhan, ki Allah naton Inta Mokawasa tua, nomarentadon in tanaa!