MAZMUR 68:29 - Alkitab Singog In Mongondow Masa In Tanaa

²⁹ Ki Allahmu in monuntut kon ropotmu; o Allah, iyigonaidon in onu inta ain inaidan-Mu kon inami.

MAZMUR 68:29 ပူးပေါင်းရင်းမြစ်များ

DATU MITA IMITÁNEA 10:10

Onda intua ki datu bobay nongkon butá in Syeba nobogoi kon i Salomo in tombuinag mita inta dinianea, inta noiḻiu kon 4.000 nokilo in buḷawan bo batu permata inta mobarong doman takin touḷut mita inta mongo bo mongobondu. Diá bidon kon dodai in onda in ki Salomo notarima kon touḷut mita mongo bo mongobondu inta námai tua in kobayong ná inta inogoi i datu bobay inta nongkon butá in Syeba tatua kon inia. (

TAWARIKH 1 29:3

Bo popisí in tabiku kon Baḷoi Allahku tatua dá nobogoi domandon in akuoi kon saḷaka bo buḷawan nongkon kapunyaanku tontaní:

TAWARIKH 2 32:23

Nobayong in intau in namangoi in Yerusalem modia kon sosumba kon i Tuhan bo tombuinag mita kon i Hizkia, dá nongkon dodaidon intua sia ihoromat in bayongan bangusa.

TAWARIKH 2 32:33

Ki Hizkia in minatoi, bo iḷobong kon potakodan kon butá inta poḷoḷobongan kon datu mita. Bayongan in rayat in Yohuda bo Yerusalem nohoromat totok kon inia kon tungkuḷ in sia minatoi. Ki Manasye ki adínea ḷoḷaki in nobaḻí datu nomaḷui kon inia.

NEHEMIA 2:8

Koḻikud intua, noigum doman in akuoi kon surat ogoi kon i Asap, intau inta moḷoḷukad kon kayuon in dodatuan, sinbá sadiaannea in kayu inta pakéon pogaid kon ḷoḻingkop in bonawang dinding kon diug in Baḷoi Tuhan, bo pakéon kon dinding in kotá bo baḷoi inta pogutunanku. Onu in pinoigumku nodait dinuduian i datu, sin ki Allah in notuḷung kon inakó.

MAZMUR 45:12

Koḷoḷunatmu in mokoḻiai kon gina i datu, sia in ki tuangmu, kotoinduduidon kon inia.

MAZMUR 76:11

Umpaka intau mita inta totok in moḻingá modayow kon ini-Mu, bo inta sinumorúpa in momaké in kaeng karong tomponuot nonogumatoi.

YESAYA 18:7

Moiangoibí in wakutunea sosumba mita poyaputdon kon i Tuhan Inta Totok in mokawasa nongkon butá tatua inta kinotaḻiban in ongkag mita, nongkon bangusanea inta moropot bo motorindog, nongkon intaunea mita inta mongoḷantud bo kuḻit moaḷus bo inta kinoondok kon sinangkub in dunia. Mosia in mamangoibí kon Sion, kon tampat inta pinosumbaan kon i Tuhan Inta Totok in mokawasa.