MAZMUR 68:28 - Alkitab Singog In Mongondow Masa In Tanaa

²⁸ Benyamin in suku inta totok in mointok, táe sia in kon muna, bodongka moyo-moyodudui in itoi mita in Yohuda kon tuminea in itoi mita in Zebulon bo Naptali.

MAZMUR 68:28 ပူးပေါင်းရင်းမြစ်များ

MAZMUR 138:8

Iko in mogintompodbí kon dandi-Mu kon inakó; dikabí mogogai in motuḷung kon umat-Mu.

MAZMUR 44:4

Butá tatua in diábí inagow monia nopomaké in kedang; diábí doman ropot monia tontaní in nokopountung kon i monia, táe pinodoyonbí kon kawasa bo sindar in kinoangoian-Mu, sin noibog in Iko notuḷung kon umat-Mu.

MAZMUR 71:3

Kobaḻídon kon inakó naonda bo buḷud batu pogogutunanku, inta diá moyoyigaku bayáan. Sin sinantú-Mudon kon moposaḷamat kon inakó, Ikobí in pogogadopan bo pononiunganku.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

PILIPI 1:6

Ki Allahbí in nomangkoi kon oaidan mopia tatua kon inimu, bo moyakinbí in akuoi, kon tantú-Neabí ingguputan in oaidan-Nea tatua modapot kon singgai ki Kristus Yesus in mamangoidon bui.

TESALONIKA 2 1:11

Tuamai in tantú sambayangan nami in moiko. Umuran poigumon nami sinbá baḻíon i Allah umat-Nea in moiko, umat inta patus mobiag podudui in koibog-Nea; tuabí in mangaḻe in pinogoinían-Nea kon i monimu. Igumon mako tua ki Allah takin kawasa-Nea in mogintompod kon ibog monimu mogaid kon inta mopia, mogintompod doman kon bayongan oaidan inta inaidan monimu pinodoyon kon pirisaya kon i Kristus.

HAKIM MITA 4:10

Bo ki Barak in nonongganutdon kon suku in Zebulon bo Naptali minayá ná Kedes. Tontara inta dinumudui kon i Barak bo kon i Debora kon dodai intua in 10.000 in intau.

SAMUEL 1 9:21

Ki Saul notubag, “Akuoi naa in nongkon suku Benyamin, suku inta totok in mointok kon Israel, apa doman motoḷuadíku inta totok in diá in mangaḻenea kon bonu in suku tatua. Dá nongonu sin ki Amá in mogumanbí natua kon inakó?”