MAZMUR 68:2 - Alkitab Singog In Mongondow Masa In Tanaa

² Ki Allah in simindog moporarit in musung-Nea intau inta mondoí kon i-Nia in moḷagui nongkon tayowon-Nea.

MAZMUR 68:2 ပူးပေါင်းရင်းမြစ်များ

SAMUEL 2 10:13

Ki Yoab takin tontaranea minayá nonubu, nodapot in tontara in Siria noḷagui.

SAMUEL 2 10:18

Táe sinaḷow in intau Israel in tontara in Siria nodapot in inumundok. Ki Daud takin tontaranea nokoḻimod kon 700 in intau inta sinumakoi kon kereta in parang, bo 40.000 in tontara inta sinumakoi kon kabaḷo; koḻikud intua ki Sobakh tongguḷu totokan in tontara in musung sinompaḻíandon nodaḷom dá minatoi kon tampat pinoparangan.

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

MAZMUR 37:20

Táe intau moraat in moyopúbí, musung i Tuhan in moinggamábí naonda bo bungang kon rawang, mosia in mobuḻibí kon bonu in poyok.

MAZMUR 76:7

Bayongan in kabaḷo bo tumotakoinea noḷabú minatoi in guak-Mu, o Allah Yakub!

MAZMUR 80:16

Posaḷamatdon in umat inta naonda bo pangkoi in anggur ain pinomuḷa-Mu tontaní, bo tokat in anggur inta binaḻí-Mudon noropot.

MAZMUR 97:5

Buḷud mita in iḷumoḷayat naonda bo lilin kon tayowon i Tuhan, kon tayowon i Tuhan, mongongawasa in sinangkub in butá.

YESAYA 33:3

Aka simindog in Iko bo mopodongog in singog-Mu inta mogonugur, bangusa mita in moḷaguibí bo posibayá.

YESAYA 64:2

naonda bo tuḷú mopodokot in kayu bo mokodidí kon tubig. Poniatadon in kawasa-Mu kon musung-Mu mita, modapot in bangusa mita in mourot kon tayowon-Mu.

YESAYA 9:18

Ki Tuhan Inta Totok in mokawasa sinumorú totok, bo hukuman-Nea in naonda bo tuḷú inta moborambang bo bangusa tatua in kayu inta pinondudub inta nodaitnea kinaan. Diábí tobatúmai in intau in motabi kon i utatnea.

YEREMIA 46:15

Nongonu sin ki Apis, dewamu inta moropot tua in noḷagui bidon? Popisíbí in sinaḷow i Tuhan in sia!’

HOSEA 13:3

Tuamai in intau mita tatua in moinggamábí naonda bo topuot andeka oḷú doḷo-doḷom. Mosia in mobaḻídon naonda bo ḷobud in baḻeká inta inirup in tompot kon poḷoḻintogan kon gandum, bo naonda bo poyok inta iḻumuai nongkon bubú in poyok.

MIKHA 1:4

Buḷud mita ḷumoḷayat kon paḷad in sioḷ-Nea naonda bo lilin kon bonu in tuḷú inta modokot; butánea in moḻitu moibonu kon oyuknea mita, naonda bo tubig kon tudu in tombuḷud inta moiḻig monag.

PINOGIAPAN 10:35

Pomuḷoi in Poti Dodandian tatua diaan, ki Musa moguman, “Sindogdon, o Tuhan, poyayitdon in musung-Mu dapot in intau mita inta doí kon inimu moḷagui.”