MAZMUR 66:7 - Alkitab Singog In Mongondow Masa In Tanaa

⁷ Sia in nomarenta takin ropot modapot in mononoi. Bangusa mita inindoian-Nea mako, sinbá momomarontak diá motaau ḷumoḷatú kon i-Nia.

MAZMUR 66:7 ပူးပေါင်းရင်းမြစ်များ

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

MAZMUR 11:4

Ki Tuhan in oyúon kon Baḷoi-Nea inta motusi, tampat pomomarentaan-Nea in kon soroga. Sia in umuran monaridi kon umat intau bo nonotaau kon bayongan in oaid monia.

MAZMUR 140:8

Tuhan, Allahku, mopoposaḷamatku inta moropot, Iko in nogoḻingoidon kon inakó kon bonu in parang.

MAZMUR 145:13

Pomarentaan-Mu in umuranbí mononoi, kawasa-Mu in mononoi modapot in adí bo ompu. Ki Tuhan in mosatiabí kon bayongan in dandi-Nea, Sia in nopuḻingbí in tabi kon bayongan in aid-Nea.

MAZMUR 33:13

Nongkon soroga ki Tuhan in moḷongow monag, bo ontongon-Neabí in bayongan intau.

MAZMUR 62:11

Dikabí mongamang mako kon onu inta agowon, bo dika mopongata in pakakat inagow. Nodapot in aka kaoyúonanmu modugang, dikabí tongádon kon tua in ginamu.

MAZMUR 75:6

Bo kon intau moraat, sinbá dikadon dumodia. Dika yumunggagá andeka ḷumoḷatú in mongonguman.

IḶUAIAN 18:11

Naa in kinotaauankudon kon ki Tuhanbí in mokawa-kawasa nongkon bayongan ilah, sin tua komintan inaidan-Nea kon dodai intau in Mesir dinumodiadon totok kon intau mita Israel.”

DANIEL 4:34

Naonda in pitu notaong inta sinantú tatua noitaḻibdon, iḷumangag in akuoi kon ḷangit, bo nosadardon bui in ginaku. Dá dinayowku in ki Allah Inta Totok in moḷantud. Inuntu bo pinomuliaku in Sia inta nobiag mononoi tua. “Ki Allah in mobaḻí datu modapot in mononoi. Sia in nongawasa modapot in kopaḷutannea.

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’