MAZMUR 66:15 - Alkitab Singog In Mongondow Masa In Tanaa

¹⁵ Posumbaku kon ini-Mu kuruban payongon nongkon biag notompiḻí, bembé domba bo sapi koḷakian, poyoknea in moidamonik kon ḷangit.

MAZMUR 66:15 ပူးပေါင်းရင်းမြစ်များ

SAMUEL 2 6:13

Naonda in intau mita inta nobuat kon Poti Dodandian tatua aindon onom noḷangkad in binayáan, pinoki gogaianpa i Daud in mosia. Bo noposumba in sia in kuruban kon i Tuhan, sosumbanea tua in sapi koḷakian bo ki adí in sapi inta iḷongóan.

EZRA 8:35

Kon singgai tatua doman, bayongan intau inta ain nobui nongkon pinoḷumbúan tatua, noposumba in kuruban payongon kon i Allah in Israel. Mosia in noposumba in 12 in sapi koḷakian kon kopontingan in bayongan in Israel, 96 in domba koḷakian bo 77 in ki adí in domba; koḻikud intua 12 in bembé sin pokuruban kon pongampungan kon dosa kon i monia tontaní. Bayongan in biag tatua sinubá nobaḻí kuruban kon i Tuhan.

MAZMUR 51:19

Kuruban kon i Allah in ginabí inta norimumud, gina inta motoindudui bo notobat diábí inindoí-Mu.

YEREMIA 41:5

namangoidon in intau waḷu nopuḷú nongkon Sikhem, Silo bo Samaria. Mosia in nongarugdon kon tampeng, nomerak kon ḷambung, bo nonongkekeb kon awak monia. Mosia in nodia kon gandum bo kamania sin posumba kon Baḷoi i Tuhan.

PINOGIAPAN 6:14

takin kodia-dia in bobiagon toḷu inta totok in mopia bo diaan mayá kon i Tuhan: domba koḷakian tobatú umur totaong in baḻíon kuruban payongon, adí in domba kobaayan tobatú inta umur totaong in baḻíon kuruban potobut kon dosa, bo domba koḷakian tobatú doman in baḻíon kuruban dodamean.