MAZMUR 66:13 - Alkitab Singog In Mongondow Masa In Tanaa

¹³ Akuoi in modiabí kon kuruban payongon kon Baḷoi-Mu bo mogintompod kon dandiku kon ini-Mu,

MAZMUR 66:13 ပူးပေါင်းရင်းမြစ်များ

AYUB 22:27

Aka iko in mosambayang, Sia in motubag kon inimu, bo iko in motaaudon mogintompod kon bayongan in dandimu.

MAZMUR 100:4

Tuotdon mongin bonawang-Nea takin dondong sukur, kon bonu in dangkuḷon-Nea takin dodayow mita. Posukurdon kon i-Nia bo dayowondon in tangoi-Nea!

MAZMUR 116:14

Akuoi in mogintompodbí kon dandiku kon i-Nia kon tayowon in bayongan in umat-Nea.

MAZMUR 118:19

Pobukataidon in akuoi kon ḷoḻingkop in ngara in Baḷoi Tuhan, sinbá tumuot in akuoi bo mopoyaput in sukur kon i-Nia.

MAZMUR 118:27

Ki Tuhan in ki Allah, Sia in mopia in gina kon inaton. Bayádon in muna moyotakin kokada-kadai in tanga, bo ḻibudon in mezbah i Tuhan.

MAZMUR 22:25

Sin diábí pinoompá-Neamai in intau inta dinorot, bo diábí nopokooyámai kon roriganea. Sia in diábí nonoḻikud kon intau tatua, táe noibogbí nokidongog aka sia mopoigum in totuḷung kon i-Nia.

MAZMUR 56:12

Akuoi in mopirisaya kon i-Nia, dá diábí in akuoi moondok, intau in diábí mokopongonu kon inakó.

MAZMUR 65:2

Patusbí in kami modayow kon ini-Mu kon Sion, o Allah, bo mogintompod kon dandi nami kon ini-Mu.

MOHOHUTUBA 5:4

Mopia-piabí kon diá modandi bo dika in modandi bo diá intompodan.

YUNUS 2:9

Táe akuoi in mopodondongbí in dodayow mita kon ini-Mu bo moposumba in kuruban kon ini-Mu. Bayongan in dandiku in aidankubí. Ikobí in ki Tuhan inta noposaḷamat.”

NAHUM 1:15

Indoiaika, in totabá tobatú mamangoi mongin buḷud mita, modia kon habar mopia, habar kountungan. Ei bangusa in Yohuda, ramedon in singgai moḷobenmu bo uboḻiaidon in dandimu kon i Allah. Butámu in diá bidon tonggataan in intau moraat. Mosia in irimumudon komintan.

ULANGAN 23:22

Moiko in diábí baradosaan aka diá modandi kon i Tuhan.

ULANGAN 23:23

Táe aka ibogmubí tontaní in modandi kon i Tuhan Allahmu, yo mustibí intompodan monimu intua.

ULANGAN 23:24

Aka moiko bo koyogot mayá bo sinumaḻib kon gobá in anggur in intau ibanea, yo motaaubí in moiko mokaan kon bungai in anggur tongonukabí in koibog monimu, táe diábí motaau mobonu kon karansi.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

HAKIM MITA 11:35

Naonda in inontong i Yepta in sia, noajardon totok in gina i Yepta dá sia nomisi-misídon kon ḷambungnea, poḷat noguman, “Kaasí adíku, morumbundon in dodobku! Nongonu sin mustibí iko in mokororiga totok kon ginaku? Akuoi ain nongibot kon i Tuhan, bo diá bidon intua motaauku inggamáan bui!”