MAZMUR 65:9 - Alkitab Singog In Mongondow Masa In Tanaa

⁹ Bayongan in intau kon dunia moondok bo mohoromat in nokoontong kon onu mita in pinomia-Mu inta motoyang. Bayongan in butá nongkon popod tobatú mayá in popod ibanea pinomia-Mu norogiow takin pia in gina.

MAZMUR 65:9 ပူးပေါင်းရင်းမြစ်များ

KINOBAḺIAN 26:12

Ki Ishak nonompinomuḷa kon butá tatua, bo taong tatua sia in nokouḻí kon bungai in boyó mogatut noguntuḷ nongkon onu inta pinomuḷanea, sin ki Tuhan nomarakat kon inia.

MAZMUR 107:37

Mosia in nogambor kon gobá mita bo nomuḷa kon pangkoi in anggur, bodongka mosipun kon bungai in boyónea inta mobayong.

MAZMUR 147:14

Sia in noḷukad kon butámu sinbá umuran moaman, bo mopokaan in gandum inta totok in mopia kon inimu modapot in mobotug.

MAZMUR 46:4

umpakabí dagat modoḻiok bo mobokoḷ moḷoben, bo tombuḷud mita mourot popisí in kodangatannea.

MAZMUR 63:1

Mazmur i Daud, kon tungkuḷ in sia kon padang gurun Yohuda.

MAZMUR 65:11

Iko in momonu in tubig kon bayáan in pajeko bo binuntadan-Mu in ḻitodan mita in butánea. Sinobai-Mu in uyan in butánea, bo binarakatan-Mu in kobiagan in pinomuḷanea mita.

YESAYA 41:5

Intau kon butá moyayú in mokoontong kon onu inta ain inaidan-Ku Moitaḻikokog in mosia bo mourot sin moondok, bo mosipun moyotakin bo mamangoi.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YEREMIA 5:24

Diábí kon dodai in onda in kinotoropan monimu in mohoromat kon i-Nakó, bokaka Akuoibí in inta nopoangoi in uyan, Akuoi doman in nobogoi kon inimu in sempo in posipunan kon boyó muḷoi in taong.

DANIEL 4:2

Akuoi in moibog mongonguman kon inta mokoherang bo mujizat inta ain pinomia i Allah Inta Totok in moḷantud kon inakó.

IMAMAT 26:4

yo ogoian-Ku in uyan moiko kon wakutunea, dá butá mobogoidon in boyó bo pangkoi mita in ayop momungaidon.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,

RUT 1:6

Diá noonggot kon kinopatoian mako in buḷoi bo adínea inta doyowa tua kino dongogandon i Naomi kon ki Tuhan in nomarakatdon kon umat in Israel takin nobogoi in bungai in boyó inta mopia. Tuamai in ki Naomi bo mototakanea doyowa in nonoḻisídon sin monaḷámaidon kon Moab.