MAZMUR 65:8 - Alkitab Singog In Mongondow Masa In Tanaa

⁸ Pinogogai-Mu in doradak in dagat bo torú in bokoḷ, bo pinoonow-Mu in kinodowawáan in bangusa mita.

MAZMUR 65:8 ပူးပေါင်းရင်းမြစ်များ

KINOBAḺIAN 8:22

Kon tungkuḷ in dunia naa oyúon, umuranbí oyúon in sempo monompinomuḷa bo monoḻisí kon bungai in pinomuḷa, oyúon in sempo in tumping bo sempo in patú, sempo in poninggai bo sempo in uagat, singgai bo doḷom.”

AYUB 38:12

Ei Ayub, degá nokoimontandon iko, in nogoiní kon modiug mobayag mamangoi?

MAZMUR 107:29

Deḷang inta nondangat pinoki gogaian-Nea, nodapot in bokoḷ mita noḻenedon.

MAZMUR 126:2

Kita in tantúbí kinumosing bo nodondong takin pia in gina dá bangusa mita ibanea in noguman, “Ki Tuhan in nogaidon kon inta mongotoyang kon i monia!”

MAZMUR 135:9

Kon tua nobayong in inaidan-Nea in mokoherang bo tomponuot sin mohukum kon datu bo bayongan in pogawainea,

MAZMUR 136:8

mata in singgai mongawasa kon singgai; tabi-Nea in umuran mononoi;

MAZMUR 148:3

Dayowdon in Sia, ei mata in singgai bo buḷan, dayowdon in Sia, ei tundi mita inta moriang mako!

MAZMUR 19:5

Táe kuaninea in kodongogan kon sinangkub in dunia, koyow tatua in noidapot kon popod mita in butá. Ki Tuhan in nobaḷoi kon ḷangit kon i mata in singgai,

MAZMUR 2:8

Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

MAZMUR 65:13

Padang gurun nopuḻing in bembé domba, bayongan in tombuḷudnea mopia in gina.

MAZMUR 66:3

Pogumandon kon i Allah, “Totuu mokoherang onu in inaidan-Mu! Musung tumungkud kon ini-Mu takin iḻibutan in ondok, sin totuubí moḷoben in kawasa-Mu.

MAZMUR 74:16

Ikobí in nomaḻí kon singgai bo doḷom, bo nonantú kon tampat in mata in singgai bo buḷan.

MAZMUR 89:10

Iko in nongawasa kon dagat inta mondoḷodokmai, bo nopooyong kon bokoḷnea inta motoyang.

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.