MAZMUR 65:4 - Alkitab Singog In Mongondow Masa In Tanaa

⁴ Dosaku mita moiḻiudon in bogat kon inakó, táe inampungan-Mudon.

MAZMUR 65:4 ပူးပေါင်းရင်းမြစ်များ

TAWARIKH 2 6:39

dá nongkon pinogutunan-Mu kon soroga igumon mako indongogan-Mupa kaasí in sambayang monia bo monotabi kon i monia. Ampungaidon kaasí in bayongan in dosa in umat-Mu.

MAZMUR 135:4

Ki Yakub in piniḻí-Nea kon i-Nia, umat in Israel binaḻí kapunyaan-Nea.

MAZMUR 15:1

Mazmur i Daud. Tuhan, ki ine in motaau mogutun kon Ḷoḷaigan-Mu bo umutun kon tombuḷud-Mu inta motusi.

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

MAZMUR 23:6

Kinotaauanku kon Iko in mopiabí totok kon inakó, bo umuranbí motabi kon inakó. Dá motaaubí in akuoi mogutun kon Baḷoi-Mu kinoouput in kobiaganku.

MAZMUR 24:7

Bukádon kooḷad in bonawang koyongan, sinbá tumuot in ki Datu inta momulia.

MAZMUR 33:12

Pia in kamang in bangusa inta nongaku kon ki Tuhan in ki Allahnea, pia in kamang in umat inta piniḻí-Nea nobaḻí kapunyaan-Nea!

MAZMUR 36:8

Totuu moḷoben in mangaḻe in tabi-Mu, o Allah, intau in moniung kon bonu in koḻikip-Mu.

MAZMUR 38:5

Akuoi in noḷomot kon bonu in taḷáku, mobogatdon totok in korasaanku popisí in dosaku.

MAZMUR 4:3

Ei intau mita, dapotpa in toonu moiko in mopoompámai kon i Allahku? Modapot in toonu moiko motabi kon inta diá in mangaḻenea bo momatuk kon inta diá totuu?

MAZMUR 63:5

Kinoouput in kobiaganku akuoi mopoyaput in sukur kon ini-Mu; tonggóonku in ḻimaku kon ini-Mu poḷat mosambayang.

MAZMUR 84:4

Nodapot in ḷagapan dui-duit nokouḻí kon baḷoi bo ḷagapan tansibí in nokouḻí kon pugad, tampat pogogukatan monia kon i adínea kon diug in mezbah-Mu, o Tuhan Inta Totok in mokawasa, Datuku bo Allahku.

YEREMIA 31:25

Mosia inta moḷopí in poguḻíon-Ku bui, bo inta moḷungkoyó popisí in ginogoi in pobotugon-Ku.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

EPESUS 1:4

Kon tungkuḷ in dunia naa diápa pinomia kita in koyongandon piniḻí i Allah pinongin i Kristus takin makusud bá kita in mobaḻí kapunyaan-Nea inta tongá mosumba kon i-Nia bo mogaid kon onu inta pinarenta-Nea. Lantaran ki Allah motabi,

TESALONIKA 2 2:13

Utatku mita inta kinotabi i Tuhan! Kami in musti umuran mopoyaput in sukur kon i Allah popisí in moiko, sin nongkon pinomangkoianpabímai piniḻídon i Allah in moiko sin posaḷamaton. Kasaḷamatan inta inaidan in Roho i Allah kon i monimu sinbá moiko in baḻíon umat i Allah inta mokudus sin mopirisaya in moiko kon habar inta mobanar nongkon i Allah.

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.