MAZMUR 65:13 - Alkitab Singog In Mongondow Masa In Tanaa

¹³ Padang gurun nopuḻing in bembé domba, bayongan in tombuḷudnea mopia in gina.

MAZMUR 65:13 ပူးပေါင်းရင်းမြစ်များ

AYUB 36:31

Natuata in pomomiag-Nea bangusa mita bo mobogoi in kaanon inta mobayong totok.

MAZMUR 144:13

Igumon mako in ontag mita naton mopuḻing in bayongan bungai in boyó. Igumon mako in domba mita kon rawang mita naton mogadí modapot in puḷúan in ribu in kobayongnea.

MAZMUR 72:16

Igumon mako gandum in bontu-bonturung kon sinangkub in butá, bo tombuḷudnea mita mopuḻing in bungai in pinomuḷa. Igumon mako butánea in moḷumbá naonda bo Buḷud in Libanon, bo intau in kotánea in modugang naonda bo bonok kon rawang.

YESAYA 30:23

Aka moiko bo momunak, ki Tuhan in mopoangoi in uyan sinbá mobiag in pinomuḷamu tatua bo mobogoi in bungainea inta mobarong totok. Bo kon bobiagonmu in sadiaandon in bonok pongaanan monia inta mobendar.

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YESAYA 52:9

Porogiowdon, ei rumbun mita in Yerusalem, sin ki Tuhan in noḻipoi kon umat-Nea bo nopoḷuat kon Yerusalem.

YESAYA 55:12

Moiko in monaḷámai kon Babel takin pia in gina, bo inatod iḻumuai takin nosaḷamat. Buḷud bo tombuḷudnea in moḷunganga bo morogiow, pangkoi in kayu mita kon gobá in mononggoḷokap.

YEREMIA 48:33

Rogiow in pia in gina noinggamádon nongkon butá in Moab inta moḷumbá. Baḻíon-Ku in tubig in anggur mogogaidon in moiḻig nongkon pakakat pomomugut kon anggur; diádon in intau in momia kon anggur bo morogiow pia in gina.

YOËL 2:22

Ei mahaḷuk mita, dikadon moḻia-ḻiaw in gina. Rawang mita in bonok tanaa in iḷumunowdon. Pangkoi mita in kayu modatog in bungainea, bungai mita in anggur bo ara mobarongdon totok.

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”