MAZMUR 65:11 - Alkitab Singog In Mongondow Masa In Tanaa

¹¹ Iko in momonu in tubig kon bayáan in pajeko bo binuntadan-Mu in ḻitodan mita in butánea. Sinobai-Mu in uyan in butánea, bo binarakatan-Mu in kobiagan in pinomuḷanea mita.

MAZMUR 65:11 ပူးပေါင်းရင်းမြစ်များ

AYUB 36:28

Sia in mopoḷabú in uyan nongkon goḷom; pinopobutak-Nea kon ḻimonik in intau.

AYUB 5:10

Sia in nopoangoi in uyan kon tudu in butá, dá gobá bo rawang nobuntad sin kinouyanan.

MAZMUR 103:4

Sia inta nopoḷuat kon nyawamu nongkon poḷoḷobongan, inta takin tabi nobogoi kon inimu bo nonotabi.

MAZMUR 104:13

Nongkon ḷangit pinoonag-Mu in uyan kon buḷud, butá nopuḻing in aid in ḻima-Mu.

MAZMUR 104:3

bo noposindog in Baḷoi-Mu kon tudu in tubig kon ḷangit. Goḷom mita binaḻí-Mu kereta-Mu, Iko in sinumakoi kon koḻikip in tompot.

MAZMUR 25:10

Intau inta motoindudui kon dodandian bo hukum-Nea, yo kotabi-Neabí in mosia takin satia.

MAZMUR 36:8

Totuu moḷoben in mangaḻe in tabi-Mu, o Allah, intau in moniung kon bonu in koḻikip-Mu.

MAZMUR 5:12

Igumon mako bayongan in intau inta noniung kon ini-Mu mopia in gina bo tantú monggoḷokap. Ḷukadaidon in intau mita inta motabi kon ini-Mu, sinbá moḷunganga in gina monia popisí in Iko.

MAZMUR 68:10

Morogot totok in uyan pinoangoi-Mu, bo nomobat kon butá-Mu inta noḷogat.

AMSAL 14:18

Intau inta diá kopongalaman in motombodok; intau mobijaksana modugang in pandoinea.

YOËL 2:14

Dika-dika ki Tuhan Allahmu mobaḷui in gina, bo mobogoi in barakat mobayong totok kon i monimu. Dá moiko in motaau moposumba in kuruban anggur bo gandum kon i Tuhan Allahmu.

HAGAI 2:19

Umpaka diádon in kiagat in gandum, bo pangkoi in anggur, pangkoi in ara, pangkoi in delima bo pangkoi in zaitun diápa nomungai, táe pinangkoi kon tanaa Akuoi in momarakatdon kon i monimu!”

MALEAKHI 3:10

Diadon in mopuḷú noporosenmu komintan kon Baḷoi-Ku sinbá oyúon in kaanon mobayong totok kon tua. Tungkuḷaidon in Akuoi, dá ontongbí monimu kon Akuoi in momukat kon ḷoḻingkop mita in soroga bo mobogoi kon i monimu in bayongan inta mopia.

SURAT I PAULUS KON JAMAAT RUM 11:17

Tosilai in tanga mita in kayu Zaitun – tuata intau mita in Yahudi – ain pinongkó. Bo kon paḷot in pinomongkóan tatua pinopokompitdon in tanga in pangkoi zaitun ḷoḷog, tuata in ki utat mita inta deeman Yahudi. Ki utat pinopokompitdon kon tua sinbá ki utat in mokorasa kon bayongan inta mopia nongkon kobobiag in rohani in intau mita Yahudi.

ULANGAN 11:12

Ki Tuhan Allahmu in monompia kon butá tatua bo moḷukad kinoouput in taong.