MAZMUR 64:5 - Alkitab Singog In Mongondow Masa In Tanaa

⁵ Nongkon pinogadopannea mosia in mopoyaput in ouman mita uboḷ, diábí in ondok monia moponapud in uboḷ kon intau inta diá kotaḷá.

MAZMUR 64:5 ပူးပေါင်းရင်းမြစ်များ

KINOBAḺIAN 20:13

Dá tungkuḷ in ki Allah nopotabá kon inakó nonaḷámai kon baḷoi i amáku bo minaya-mayá mako kon butá mita inta diá kinotaauanku, akuoi in nogumandon kon i buḷoiku, ‘Poniatadon in kotoinduduimu kon inakó takin mopotaau kon bayongan intau kon akuoi naa in ki guya-guyangmubí.’ ”

AYUB 22:13

Táe iko in moḻibóbí, “Onubí in kotaauan-Nea? Sia in kon ḻimako in goḷom bo diábí motaau monisig kon inaton.”

MAZMUR 10:11

Kainiakamai, “Kinoḻiongandon i Allah bo diá bidon inindoian mako; bo moiduduimai in diábí doman ontongon-Nea in akuoi!”

MAZMUR 124:7

Kita in naonda bo ḷagapan inta nokobuḻi nongkon giman in mongonggiman, goguḷu tatua in nobontowdon, bo kita in nokobuḻidon!

MAZMUR 140:5

O Tuhan, ḷukadaidon in akuoi nongkon kawasa in intau moraat, ḷukadaidon in akuoi nongkon intau inta moḻingá inta moniat mopoḷabú kon inakó.

MAZMUR 59:7

Kon dodai in ḷoḷabungneadon mobui in mosia, mogoob naonda bo ungkú sindaḷan moḻibu kon kotá.

MAZMUR 94:7

Guman monia, “Ki Tuhan in diábí nokoontong kon tua, ki Allah i Yakub in diábí nonaridimai kon tua.”

IḶUAIAN 15:9

Musung noguman, ‘Mosia in aḷowanku bo domokon, rabutonku in pitow, bo rataanku in mosia. Bo bayongan kaoyúonan monia agowonku, sila-silaionku bo pakéonku modapot in moorop.’

YESAYA 41:6

Bayongan in intau mosituḷungan, bo mosirigonan kon gina.

YEHEZKIEL 8:12

Ki Allah in noguman kon inakó, “Ei intau inta ilo-ilow, inontongmu degá onu in inaidan in itoi mita in Israel takin inumado-adop? Mosia in noibada kon bonu in yuang inta nopuḻing in berhala sin kan Akuoi in nonaḷámaidon kon butá tanaa bo diádon noindoimai kon aid monia.”

PINOGIAPAN 22:6

Mosia in moropo-ropot in kami. Dá angoipa! Tuḷungaipa in akuoi bo kutuk in mosia. Dika-dikabo kotaḷowanbí nami in mosia bo poguntunon nongkon butá tanaa. Sin noyakinbí in akuoi kon intau inta barakatanmu in mokouḻíbí kon barakat, bo intau inta kutukonmu mokouḻíbí doman kon kutuk.”

MATIUS 23:15

Koboditodon in moiko mototundú mita kon agama bo intau mita in Parisi! Moiko in intau mita inta mongomunapik! Sin moiko in ḷumoḷan magí mako kon dagat, bo maya-mayá mako kon dunia naa sin motayak kon intau tobatú bo baḻíon dumodudui kon agamamu. Bo naonda in sia mogogai mogaid kon inta moraat, aidan monimu in sia intau in naraka, inta kodua ná moraat monimu tontaní!

WAHYU 11:10

Moḷungangabí totok gina in bayongan intau kon dunia naa in mokoontong kon mayat in sakusi doyowa tatua. Porameanbí monia in kinopatoian nayadua tua. Bo mosia mosiogoianbí in tombuinag, lantaran nabi doyowa tatua ain nopoangoi in roriga moantó kon bayongan intau kon dunia naa.

HAKIM MITA 20:22

Popisí in kinotaḷowan tatua, dá minayádon in umat Israel kon tampat pooibadaan bo nongombaḷ kon i Tuhan kon tua nodapot in doḷom. Mosia noḻibó, “Tuhan, degá buipa mayá in kami monubu kon i utat mita nami intau mita in Benyamin tatua?” Ki Tuhan in notubag, “Oo, bayádon.” Tuamai in tontara mita in Israel buidon noropot in gina, dá mosia in buidon noposadia in tontara monia ná kon singgai dungkuḷ.