MAZMUR 63:11 - Alkitab Singog In Mongondow Masa In Tanaa

¹¹ Mosia in matoibí kon bonu in poparangan, bo mobaḻí kokaanon in mahaḷuk moraat.

MAZMUR 63:11 ပူးပေါင်းရင်းမြစ်များ

AYUB 5:16

Tanaa in oyúonpa bui in kamang kon intau inta diá koonu bo onu. Bo intau moraat in tongádon kibio-biómai diádon moposingo-singog, sin pinomponandon i Allah in bibignea.

MAZMUR 107:42

Intau motuḻid in mokoontong bo mopia in gina, táe intau moraat in sinukuman.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

MAZMUR 21:1

Kon i itoi in mododondong. Mazmur i Daud.

MAZMUR 31:18

Dikabí pomayá mako in akuoi pokopooyáanmai, o Tuhan, sin akuoi in nokuani kon ini-Mu. Biódon mako intau moraat pokopooyáanmai, bo kibio-biómai moponag kon dunia in intau minatoi.

MAZMUR 44:20

Táe sinaḷáan-Mu in kami kon bonu in sindip; diádon mokopongonu in kami kon yua-yuak in mahaḷuk moraat.

YESAYA 19:18

Kon tungkuḷ in tua singog in Ibrani in pakéonbí kon bonu in ḻima in kotá in Mesir. Intau mita kon tua mongibot podoyon kon tangoi i Tuhan inta Totok in mokawasa. Kotá tobatú kon sigad in kotá tatua in tangoian “Kotá in Mata in singgai”.

YESAYA 45:23

Akuoi in ain nodandi, bo dandi-Ku in diábí motaau inggamáan; podoyon kon i-Nakó tontaní Akuoi in mongibot: Pomuḷoi in intau in tumungkudbí kon tayowon-Ku, bo kon bonu in tosingogonnea tontaní modandi kon mosatia kon i-Nakó.

YESAYA 65:16

Pomuḷoi in intau kon butá tatua inta mopoigum in barakat, in mopoigumbí sinbá barakatan i Allah inta mosatia. Pomuḷoi in intau inta moibog mongibot, in mongibotbí podoyon kon tangoi i Allah inta mosatia. Sin roriga inta koḻipod ain noinggamá bo iḻiongdon.”

YEREMIA 18:21

Táe tanaa, Tuhan, biódon mako in adí mita monia matoi in gogoy andeka matoi kon poparangan. Biódon mako in bobay mita monia kobuḻian in buḷoi ḷoḷaki bo adí; biódon mako in ḷoḷaki mita matoi popisí in yampoi in takit bo intau moguod in matoi kon poparangan.

ZEPANYA 1:5

Daiton-Kubí kaitan in ki inekabí in moponik kon atop sin mosumba kon mata in singgai, buḷan bo tundi mita. Yompaton-Kubí doman mosia inta nosumba kon i-Nakó bo inta nongibot motoindudui kon i-Nakó, táe nongibot doman pinodoyon kon tangoi i Dewa Milkom.

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

ULANGAN 6:13

Horomat in ki Tuhan, Allahmu bo kosundudon kon i-Nia tontaní, bo aka moiko mongibot, yo aidai intua tongá podoyon kon tangoi-Nea.

IBRANI 6:13

Sin wakutu in ki Allah nodandi kon i Abraham, nongibot in Sia kon totu-totuubí mobaḻí in onu in pinodandi-Nea tatua. Bo lantaran diábí in moḷantu-ḷantud nongkon i-Nia, dá nongibot in Sia pinodoyon kon tangoi-Nea tontaní.

SAMUEL 1 23:17

Guman i Yonatan kon inia, “Dika moondok, iko in diábí kokawasaan i amáku. Kinotaauanneabí totok kon ikobí in mobaḻí datu in Israel bo akuoi in mokouḻíbí kon oaidan kon ḻimonaganmu.”

SAMUEL 1 24:20

Moḷawábí totok in intau tobatú in moyodungkuḷ in musungnea táe tongá pobiónea mako in musungnea tatua in mobiag! Dá, igumon mako ki Tuhan in momarakat kon inimu sin aidmu inta mopia kon inakó singgai in naa!