MAZMUR 62:8 - Alkitab Singog In Mongondow Masa In Tanaa

⁸ Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

MAZMUR 62:8 ပူးပေါင်းရင်းမြစ်များ

AYUB 13:15

Nopoḷok bidon in raianku sin diádon in kamang! Aka ki Allah in moḻimod kon inakó, diábí nongonu, tongá belaankupa in oaidku kon tayowon-Nea.

MAZMUR 102:1

Sambayang in intau nororiga inta noḻemédon in mogamui kon i Tuhan.

MAZMUR 142:2

Noḷangon in kuaniku kon i Tuhan, notorú in singogku in nokituḷung kon i-Nia.

MAZMUR 18:2

Akuoi in motabi kon ini-Mu, o Tuhan, Ikobí in nobaḻí ropotku.

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

MAZMUR 42:4

Singgai doḷom mongombaḷ in akuoi, dongkadon ḷuá in mobaḻí kokaanonku. Kinoouput in singgai musungku in moḻibó, “Kon onda in ki Allahmu?”

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 46:2

Ki Allah in mogogoḻingoi bo pangkoi in ropot naton; Sia in umuranbí taḷaoḷat bo mokotuḷungbí kon bonu in yoyiga.

MAZMUR 71:7

Kobiaganku in nobaḻí dodayanan kon intau mobayong, sin Ikobí in moḷoḷukadku inta moropot.

MAZMUR 91:2

in motaaubí in moguman kon i Tuhan, “Ikobí in mododuḷu bo mogogoḻingoiku, Allahku, Ikobí in pirisayaanku.”

MAZMUR 94:22

Táe ki Tuhan in mododuḷuku. Ki Allahku in nobaḻí mogogoḻingoiku.

AMSAL 14:26

Intau inta motoguondok kon i Tuhan in mobiag mosanang, bo motoḷuadínea in ḷukadan.

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

YESAYA 26:4

Umurandon popirisaya kon i Tuhan, sin ki Tuhan Allah tantú moḷukad kon i naton.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

OMBAḶ 2:19

Pobui-buidon pobangon in tonggobii tua sin momaḷú moguman kon onu in kon bonu in dodobmu kon i Tuhan. Poigumdon sinbá angoian in tabi in Sia kon i adímu mita inta gogoyon bo inta sinogopuḷong kon bayongan in pobeukan in daḷan.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

YOHANES 1 2:28

Pogumanku bui kon i monimu adíku mita: Kobiag umuran motobatú takin i Kristus, sinbá aka Sia in mamangoidon bui, yo kita in diádon moondo-ondok in tumayow kon i-Nia, bo diá domandon mooya-oyá.

SAMUEL 1 1:15

Táe ki Hana in notubag, “Akuoi in diábí noḷoḷangu, Amá, akuoi in beresibí diá nonginum kon anggur! Akuoi in kinodaitandon kamang, bo mosambayangmai mongonguman kon bayongan in rorigaku kon i Tuhan.