MAZMUR 62:6 - Alkitab Singog In Mongondow Masa In Tanaa

⁶ Noodom in ginaku mogoḷat mako kon i Allah, tongábí nongkon i-Nia in kasaḷamatanku.

MAZMUR 62:6 ပူးပေါင်းရင်းမြစ်များ

MAZMUR 112:6

Intau mopia in umuranbí mokouḻí; sia in umuranbí toropon modapot in mononoi.

MAZMUR 16:8

Akuoi in umuranbí mokotorop kon i Tuhan; Sia in oyúonbí kon diugku, dá diá in akuoi modandú.

MAZMUR 62:2

Noodombí mako in dimukudku mogoḷat mako kon i Allah, tongábí nongkon i-Nia in kasaḷamatanku.

AMSAL 10:30

Intau motuḻid in gina in mobiag moaman bo motompia; intau moraat in diábí mogutun kon butá inta inogoi kon inia.

AMSAL 12:7

Intau moraat in moḷabúbí bo moyopú takin diá in paḷotnea; táe intau mopia in umuranbí moroton modapot in adí bo ompu.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

HOSEA 1:7

Táe bangusa in Yohuda in kotabi-Ku. Akuoi ki Tuhan, Allah monia, in moposaḷamatbí kon i monia, táe deemanbí pongin parang, deeman doman pongin kedang andeka piot andeka kabaḷo bo tumotakoinea.”

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.