MAZMUR 62:3 - Alkitab Singog In Mongondow Masa In Tanaa

³ Tongábí Sia inta nogoḻiung bo noposaḷamat kon inakó, Sia in mododuḷuku, diábí in akuoi motundan.

MAZMUR 62:3 ပူးပေါင်းရင်းမြစ်များ

MAZMUR 125:1

Dondong mayá in Baḷoi Tuhan. Intau inta mopirisaya kon i Tuhan, in naonda bo Tombuḷud in Sion inta moroton diábí kotundanan, bo motahang modapot in mononoi.

MAZMUR 140:2

Poḷuatdon in akuoi nongkon intau moraat, o Tuhan, ḷukadaidon in akuoi nongkon intau inta moḻingá.

MAZMUR 16:8

Akuoi in umuranbí mokotorop kon i Tuhan; Sia in oyúonbí kon diugku, dá diá in akuoi modandú.

MAZMUR 18:3

Ki Tuhan in naonda bo dinding inta moropot pogogadopanku. Ki Allahku in naonda bo buḷud batu pononiunganku. Naonda bo kaḻeaw inoḻingoian-Nea in akuoi, bo noḷukad kon inakó sinbá umuran in akuoi moaman.

MAZMUR 21:11

Nongkon buí monia diá in kinotaḻiban, ki datu in moyompatbí kon i monia komintan.

MAZMUR 38:12

Yobayatku mita yumayú popisí in panyakiku, nodapot in ginaḷum bo utatku yumayú kon inakó.

MAZMUR 4:2

O Allah, Ikobí in mododuḷuku; tubagaibí aka akuoi mokuani. Kon dodai in akuoi inumaan in susa; sinuḷungan-Mu in akuoi; dá tanaa kotabipa kaasí in akuoi bo indongogaipa in sambayangku.

MAZMUR 82:2

“Dika bidon monisig takin tombogá, bo dika dumotá kon intau moraat.

IḶUAIAN 10:3

Dá ki Musa bo ki Harun minayá nokipodungkuḷ kon i datu bo noguman kon inia, “Ki Tuhan, Allah in bangusa Ibrani, noguman, ‘Dapot in toonu iko doí tumungkud kon i-Nakó? Pomayádon mako in umat-Ku mayá, sinbá mosia in motaau mayá moibada kon i-Nakó.

IḶUAIAN 16:28

Bo ki Tuhan noguman kon i Musa, “Dapotpa in toonu moiko doí mokidongog kon parenta-Ku mita?

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

AMSAL 6:9

Modapot in toonu in intau maḷat tatua in mosiug? Toonu in sia in mobangon?

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

HOSEA 7:15

Umpaka Akuoibí in nomaḻí kon i monia bangusa inta moḷoben bo ropot, táe mosia in moyopopogbí monayow kon i-Nakó.

MATIUS 17:17

Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

OUMAN IN RASUL MITA 24:9

Intau mita in Yahudi inta kon tua in nopototuu doman kon onu in pinonapud tua kon inia. Mosia in noguman doman, totuubí in singog i Tertulus tua.

SAMUEL 1 26:10

Podoyon kon i Tuhan inta nobiag, kinotaauankubí kon bain ki Tuhan tontaní in moḻimod kon i Saul, aka modapotdon in wakutunea matoi, andeka aka sia matoi kon poparangan.