MAZMUR 62:2 - Alkitab Singog In Mongondow Masa In Tanaa

² Noodombí mako in dimukudku mogoḷat mako kon i Allah, tongábí nongkon i-Nia in kasaḷamatanku.

MAZMUR 62:2 ပူးပေါင်းရင်းမြစ်များ

MAZMUR 18:2

Akuoi in motabi kon ini-Mu, o Tuhan, Ikobí in nobaḻí ropotku.

MAZMUR 21:1

Kon i itoi in mododondong. Mazmur i Daud.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 37:24

Aka moḷabú in sia, yo diábí in sia kekeban modaḷom, sin kinadaianbí i Tuhan in sia kon ḻimanea.

MAZMUR 37:39

Ki Tuhan in moposaḷamatbí in intau motoḷutui, bo moḷukad kon i monia kon tungkuḷ in mororiga.

MAZMUR 59:17

Táe akuoi in mopodondong in ropot-Mu; pomuḷoi in doḷo-doḷom moḷangon in dondongku mopodondong in tabi bo kososatia-Mu. Sin Ikobí in pososingayowanku, pononiunganku kon dodai in mosusa.

MAZMUR 59:9

Táe kinosingan-Mubí in mosia, o Tuhan, bayongan in bangusa tatua in siningkuḻe-Mu.

MAZMUR 62:6

Noodom in ginaku mogoḷat mako kon i Allah, tongábí nongkon i-Nia in kasaḷamatanku.

MAZMUR 89:26

Dodatuannea in pooḷadon-Kubí, nongkon Dagat Toyuak nodapot kon Ongkag in Eprat.

YESAYA 26:4

Umurandon popirisaya kon i Tuhan, sin ki Tuhan Allah tantú moḷukad kon i naton.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

OMBAḶ 3:26

Dá, biódon mako mogoḷat in kita takin gina moodom modapot in ki Tuhan mamangoi motuḷung;

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.