MAZMUR 62:12 - Alkitab Singog In Mongondow Masa In Tanaa

¹² Kotongonumaidon in dinongogku in ki Allah noguman kon kawasa in nongkon i-Niabí,

MAZMUR 62:12 ပူးပေါင်းရင်းမြစ်များ

TAWARIKH 1 29:12

Bayongan in kaoyúonan bo kobiagan motompia nongkon ini-Mubí komintan; bayongan in yagi-yagi in kon bonubí in kawasa-Mu inta moropot tua; Ikobí in kitogi kawasa mopobaḻí kon inekabí in mobaḻí intau moḷoben bo moropot.

AYUB 33:14

Ki Allah in mosingog pinongin daḷan noyagi-yagimai, tongá diá tobatúmai in intau nonondudut kon singog-Nea.

AYUB 34:11

Sia in mohukum kon intau podudui in aidnea, mopoaid kon inia podudui in dodianea.

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 9:19

Degá musti in akuoi moropatoi takin-Nea? Táe indoian, totuu motoyang in ropot-Nea! Aka kuma bo pongaduku in Sia, ki ine in kobaḻí mogoiní kon i-Nia mayá in pongadilan?

MAZMUR 103:17

Táe ki Tuhan in umuranbí motabi kon intau inta motoguondok, kopopia-Nea in modapotbí kon adí bo ompu

MAZMUR 103:8

Sin ki Tuhan in motabi bo mopia in gina Sia in mosabar bo tabi-Nea in moiḻiu ḷoben.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

AMSAL 24:12

Motaaubí in iko moguman, “Tua in deemanbí totaauku.” Táe ki Allah in noindoi mako kon inimu. Kinotaauan-Neabí bo adilon-Nea in raianmu. Sia in motuḻí kon intau podudui in aidnea.

YEREMIA 32:19

Tomayá-Mu mita in motoyang, bo aid-Mu mita in mokoherang; Iko in nokoontong kon bayongan inta inaidan in intau, bo motuḻí kon i monia podudui in aid monia.

YEHEZKIEL 18:30

Ki Tuhan Inta Totok in moḷantud, in noguman, “Ei intau mita in Israel, Akuoi in monisigbí kon bayongan in intau podudui in aidnea tontaní. Pogogaidon in mogaid kon dosamu mita. Dika pomayámu mako in dosamu momoguyaat kon awakmu.

YEHEZKIEL 33:20

Umpaka natua bangusa in Israel in nogumanbí kon aid-Ku tanaa in diábí moadil. Totuu, hakimon-Kubí in mosia kon batúannea podudui in aidnea.”

YEHEZKIEL 7:27

Datu in mogamui, ki adí ḷoḷaki in datu kobuḻian in kamang bo rayat in gugur mako sin moondok. Akuoi in mohukumbí kon i monimu podudui in bayongan in aidmu bo mohakim kon i monimu ná pinohohakim monimu kon intau ibanea. Dá kotaauandon monimu kon Akuoibí in ki Tuhan.”

DANIEL 9:18

Indongogaipa kaasí in kami, o Allah, ḷongowaipa in kami bo taridipa kaasí in roriga nami takin kinogoguyaatan in kotá inta sinangoi in tangoi-Mu. Kami in nosambayang kon ini-Mu deemanbí popisí in aid mita nami mopia, táe popisíbí in Iko in totok kototabi.

DANIEL 9:9

Iko in umuran moibog mongampung bo motabi, umpakabí kami ain noḷawang kon ini-Mu.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

SURAT I PAULUS KON JAMAAT RUM 2:6

Ki Allah in mobogoibí in tontuḻínea podudui in oaid monia.

KORINTUS 1 3:8

notongkaibí in taya dua tua, tongábí tumpaḷa motarima kon boḻi in ḷopí monia.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

EPESUS 6:8

Pokotoropdon, pomuḷoi in intau inta nobiag ata andeka intau inta nobebas, motarimabí kon tontuḻínea nongkon i Tuhan kon bayongan inta mopia inta ain inaidannea.

KOLOSE 3:25

Bo ki inekabí in mogaid kon noitaḷá yo siabí in motanggung kon taḷánea mita tatua; sin diábí piḻían i Tuhan in intau.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

WAHYU 22:12

“Tarukira in naa!” guman i Yesus, “Diádon moonggot bo Akuoi in mamangoi modia kon boḻi in pinogaidan in intau podudui kon onu inta ain inaidannea.