MAZMUR 62:10 - Alkitab Singog In Mongondow Masa In Tanaa

¹⁰ Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

MAZMUR 62:10 ပူးပေါင်းရင်းမြစ်များ

AYUB 20:19

Sin sia in mondorot bo mopomayá mako kon intau inta diá koonu bo onu; sia in mogagow kon baḷoi mita inta deeman sia in noposindog.

AYUB 20:29

Natuata in ukur in intau moraat, ukur inta sinantú i Allah kon inia.”

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,

MAZMUR 4:3

Ei intau mita, dapotpa in toonu moiko in mopoompámai kon i Allahku? Modapot in toonu moiko motabi kon inta diá in mangaḻenea bo momatuk kon inta diá totuu?

MAZMUR 49:6

Akuoi in diábí moondok kon tungkuḷ in singgai diá mopia, tungkuḷ in akuoi kinopung in musung inta moraat.

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

MAZMUR 91:14

Guman i Tuhan, “Intau inta moibog kon i-Nakó in posaḷamaton-Kubí, inta mopirisaya kon i-Nakó in ḷukadan-Kubí.

AMSAL 23:5

Sin, tongábí tokokiap monag in kapunyaanmu bo modait, naonda bo oyúon in koḻikipnea bo ḷumayug kon toḷungayá naonda bo ḷagapan boniá.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.

YESAYA 30:12

Tuamai Allah mokudus in Israel moguman nanaa, “Moiko in doí motarima kon tosingogon-Ku bo mopongata in aid mondorot bo mouboḷ.

YESAYA 40:15

Kon i Tuhan in bangusa mita in naonda bo tubig tongo totuyú kon bonu in totayuk, naonda bo ḷobud tougat kon pononimbangan; ḻibuton mita notongkai in kogaannea in ḷobud moaḷus.

YESAYA 40:17

Bayongan in bangusa diábí in mangaḻenea kon i-Nia, naonda bo diábí in kon tayowon-Nea.

YESAYA 47:10

Kainimu iko in moaman aka mogaid kon inta moraat, kainimu kamai dá aidmu tatua in diábí sinontongan mako. Iko in pinoḷaḻe in kabijaksanaan bo sinotaaumu, kainimu kamai diábí in ná iko.

YESAYA 59:4

Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

YESAYA 61:8

Ki Tuhan in noguman, “Akuoi in moibog kon inta moadil bo mondoí kon pondorotan bo aid moraat. Akuoi in mobogoibí in tondan pinogaidanmu takin satia, bo motogot kon dodandian mononoi takin i monimu.

YEREMIA 13:25

Tuata in ukurmu inta ain sinantú-Ku popisí in moiko ain nokoḻiong kon i-Nakó, bo nopirisayadon kon ilah mita diá totuu.

YEREMIA 17:11

Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

MARKUS 10:23

Dá nobobui in ki Yesus kon murí-Nea mita bo noguman kon i monia, “Moyoyiga totok in intau nooyúon tumuot mobaḻí umat i Allah!”

TIMOTIUS 1 6:10

Sin pomangkoian in bayongan inta moraat naa in ibogbí kon doit. Aindon tongonumai degá in intau inta umuran moramuji motayak kon doit, sahingga in diádon dinumudui kon totundú in agama Keresten, dá tongádon roriga in moiantug kon i monia bo inta mokoajar doman kon gina in kodungkuḷan monia tua.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.