MAZMUR 61:7 - Alkitab Singog In Mongondow Masa In Tanaa

⁷ Igumon mako ki datu moumur in kobiagan, dá mobiag in sia modapot in inanakan.

MAZMUR 61:7 ပူးပေါင်းရင်းမြစ်များ

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

KINOBAḺIAN 32:10

Akuoi in diá patus motarima kon bayongan tabi bo kososatia inta ain pinoontong i Tuhan kon inakó. Naonda in akuoi nobuat iḷumoḷan kon Ongkag in Yordan, akuoi in diábí nodia kon onu bo onu koḻikudbí in tungkud. Tanaa akuoi in nobui mangoi takin nobaḻídon doyowa nokolompok tanaa.

SAMUEL 2 7:26

Kon ondakabí in intau umuranbí mopoḷantud in tangoi-Mu bo moguman, ‘Ki Tuhan Inta Totok in Mokawasa in ki Allahbí in Israel.’ Dá kon kinoouputbí in dunia naa intau tobatú nongkon buíku in momarentabí mobaḻí datu kon bangusa tanaa.

MAZMUR 21:5

Sia in nopoigum in kobiagan, bo inogoi-Mu doman kon inia, nodapot in umur moḷanggó modapot in mononoi.

MAZMUR 40:11

Habar kasaḷamatan tatua in diábí tongá sinagúku mako kon bonu in gina, totuḷung bo kososatia-Mu umuran potaauku. Kon tayowon in poyosipunan in umat-Mu diábí in akuoi tongá kibio-biómai, táe pinotaaukubí in tabi bo kososatia-Mu.

MAZMUR 41:12

Aka akuoi diá taḷowon in musungku, yo kotaauankudon kon Iko in moibog kon inakó.

MAZMUR 43:3

Poniatadon in kososatia-Mu sin monindar bo mokapit kon inakó, sinbá akuoi in mobui mayá in Sion, tombuḷud-Mu inta motusi bo mayá in Baḷoi pogogutunan-Mu.

MAZMUR 57:3

Akuoi in nokuani kon i Allah Inta Totok in moḷantud, kon i Allah inta motuḷung kon inakó.

AMSAL 20:28

Aka datu momarenta podoyon kon tabi, kajujuran bo koadilan, dá sia in tantúbí mongawasa.

MIKHA 7:20

Kon umat-Mu, buí i Abraham bo i Yakub, poontong-Mubí in kososatia-Mu bo tabi-Mu inta diá in obotnea tua ná inta pinodandi-Mu kon mogoguyang nami dungkuḷmai.

LUKAS 1:33

Bo sia in mobaḻí doman Datu kon yua-yuak in intau mita inta buí i Yakub modapot in kopaḷutan in dunia. Dodatuan-Nea in mononoi.”

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.