MAZMUR 61:3 - Alkitab Singog In Mongondow Masa In Tanaa

³ Noyayú nongkon baḷoi akuoi in mokuani kon ini-Mu, sin akuoi in kinodaitandon in kamang. Iko in mogatodbí kon inakó mayá in pogogadopan inta moaman, tampat inta totuu moḷantud kon inakó;

MAZMUR 61:3 ပူးပေါင်းရင်းမြစ်များ

MAZMUR 116:2

Inindongogan-Nea in akuoi, pomuḷoi in akuoi mokuani kon i-Nia.

MAZMUR 140:7

O Tuhan, gumanku: Ikobí in ki Allahku, indongogaipa kaasí in sambayang oigumku.

MAZMUR 18:2

Akuoi in motabi kon ini-Mu, o Tuhan, Ikobí in nobaḻí ropotku.

MAZMUR 27:5

Ki Tuhan in moḷukadbí kon inakó kon dodai in mororiga; binuni-Nea in akuoi kon bonu in Baḷoi-Nea, bo nodia kon inakó pinobayá kon tudu in buḷud batu.

MAZMUR 62:7

Tongábí Sia in mogoḻiung bo moposaḷamat kon inakó; Sia in mododuḷuku, diábí in akuoi motundan.

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

KORINTUS 2 1:10

Ki Allahbí tua in noposaḷamat kon inami nongkon yoyiga inta mokopatoi tua. Bo inta moposaḷamat kon inami kon singgai moiduduimai naa, sin tongábí Sia in binaḻí nami oandoḷan. Kami in moyakin bidon kon sambayang mita monimu kon inami indongoganbí i Allah, sahingga in posaḷamaton-Neabí in kami nongkon bayongan inta mokobodito kon i nami. Ki Allah in umuranbí nobogoi in barakat kon inami sin umuran monimu sinambayangan. Tuamai nobayongdon totok in intau mosukur kon i Allah.