MAZMUR 60:7 - Alkitab Singog In Mongondow Masa In Tanaa

⁷ Posaḷamatdon in kami in kawasa-Mu, tubagaidon in sambayang nami, sinbá intau mita inta kinotabi-Mu in posaḷamaton.

MAZMUR 60:7 ပူးပေါင်းရင်းမြစ်များ

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

TAWARIKH 1 12:19

Kon tungkuḷ in ki Daud noyotakin in intau in Pilistin monayow kon i Datu Saul, tongosilai nongkon tontara in suku Manasye iḷumoḷan namangoi kon i Daud. Sabanarnea ki Daud in diábí notuḷung kon intau mita in Pilistin tatua. Itoi mita in Pilistin nopotabádon kon inia mobui kon Ziklag sin moondok in mosia dika-dikabo ḷumoḷan in sia mayá kon i Datu Saul bo dumugang bo mopororiga kon i monia.

MAZMUR 108:7

Posaḷamatdon in kami takin kawasa-Mu, tubagaipa kaasí in sambayang nami, sinbá intau mita inta kinotabi-Mu posaḷamaton.

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”

YOSUA 13:31

Bo noitakin doman in tongosilai in butá in Gilead, bo Asytarot bo Edrei, inta ibukotá doyowa in butá kawasa i Datu Og kon Basan. Bayongan in butá tatua inogoi kon tongosilai in motoḷuadí mita buí i Makhir, adí i Manasye.

YOSUA 17:1

Tongobotak in butá kon dotá in toyopan kon Ongkag in Yordan inogoi kon tongosilai in motoḷuadí buí i Manasye, adí guya-guyang i Yusup. Ki Makhir, ki amá i Gilead, adí guya-guyang i Manasye. Sin sia in tobatú tontara, dá butá in Gilead bo Basan inta noiukat kon dotá in pomukaan kon Ongkag in Yordan inogoi kon inia.

SAMUEL 1 28:2

Tubag i Daud, “Notantú bidon, bain indoiandon tontaní i Tuang Datu onu in motaau aidan in bobantung naa kon i Tuang Datu nion.” Bo ki Akhis in noguman, “Mopia! Iko in baḻíonku moḷoḷukadku inta motantú.”