MAZMUR 60:6 - Alkitab Singog In Mongondow Masa In Tanaa

⁶ Inogoian-Mu in tompoingat in intau mita inta mopirisaya, sinbá mosia moiḷagui kon hukuman.

MAZMUR 60:6 ပူးပေါင်းရင်းမြစ်များ

KINOBAḺIAN 12:6

Ki Abram noḻibu kon butá tatua bo noidapotdon in sia kon tobatú pangkoi in kayu inta kai monia mokaramat kon More, inta tampat pososumbaan kon Sikhem. (Kon dodai intua intau in Kanaan nogutunpa kon butá tatua.)

SAMUEL 2 3:18

Yo, tanaadon in kasampatan monimu. Toropdon, ki Tuhan ain nodandi kon i Daud, kon pongin i inia umat-Nea Israel posaḷamaton nongkon intau in Pilistin bo nongkon bayongan in musung ibanea mako.”

MAZMUR 119:162

Dandi-Mu in nokosanang kon ginaku, naonda bo intau inta nokouḻí kon kapunyaan.

MAZMUR 132:11

Ki Tuhan in nongibotdon kon i Daud; Sia in diábí monginggamá kon dandi-Nea. Guman-Nea, “Ki adímu tobatú in baḻíon-Kubí datu sin momarenta monoḻiu kon inimu.

MAZMUR 56:4

Kon dodai in noondok in akuoi, akuoi in nongamang kon ini-Mu.

MAZMUR 89:19

Sin mogogoḻingoi nami in intau inta piniḻí-Mu, o Tuhan; datu nami in ki Allah Mokudus in Israel in kitogi.

MAZMUR 89:35

Dodandian-Ku takinnea in diábí inggamáan-Ku, nongkon bayongan in dandi-Ku yo diábí tobatúmai in gamáan-Ku bui.

YEREMIA 23:9

Naa in koyowku soaḷ nabi mita: Ginaku morumbun bo mourot in akuoi. Ki Tuhan bo tosingogon-Nea inta motusi nopobaḻí kon inakó naonda bo intau noḷoḷangu inta noiḻiu in bayong in anggur ininum.

AMOS 4:2

Akuoi, ki Tuhan Inta Totok in Moḷantud in ki Tuhan inta motusi, bo Akuoi in nodandidon kon moiko in kon singgai moiduduimai in irudon in kokaud; moiko komintan in naonda bo toyá kon mata in kail.

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.

YOSUA 13:27

Kon Ḷopá in Yordan, butá in suku Gad tatua nongkon Bet-Haram, Bet-Nimra, Sukot, bo Zapon, inta ki agat in butá inta kinawasa in Datu Sihon kon Hesybon. Pinosigadan kon dotá in toyopan kon butá in suku Gad tatua in Ongkag in Yordan nodapot in Danow Galilea kon dotá in utuan.

YOSUA 17:7

Botok mita inta nobaḻí sigad kon butá in suku Manasye in pinangkoi nongkon Asyer nopobayá ná Mikhmetat kon dotá in pomukaan kon Sikhem. Nongkon tua botok tatua nosiḻig ná toḷatan nodapot kon butá in inanakan in En-Tapuah.

YOSUA 20:7

Dá kon butá kon dotá in toyopan kon Ongkag in Yordan umat in Israel in nonantúdon kon kotá mita noiduduimai naa nobaḻí kotá pogogadopan: Kedes kon buḷud in Naptali kon Galilea, Sikhem kon buḷud in Epraim, bo Hebron kon buḷud in Yohuda.

YOSUA 24:1

Ki Yosua nosipun kon bayongan suku bangusa in Israel kon Sikhem, bo nopotabá kon guhanga mita, itoi mita, hakim bo porwira mita namangoi in tayowonnea. Dá namangoidon in mosia kon tayowon i Allah.

YOSUA 24:32

Tuḷan mita i Yusup dinia in umat in Israel nongkon Mesir, iḷobong kon Sikhem kon butá inta ain sinaḷui i Yakub mogatut in doit saḷaka nongkon i adí mita i Hemor, ki amá i Sikhem. Butá tatua pinononsilai kon buí i Yusup.