MAZMUR 60:12 - Alkitab Singog In Mongondow Masa In Tanaa

¹² O Allah, diá degá in Iko noyotakin nami? Diá degá in Iko mayá moparang takin tontara nami?

MAZMUR 60:12 ပူးပေါင်းရင်းမြစ်များ

SAMUEL 2 10:12

Mokoporoton kon gina! Koḻigai kita mokopobarani in moḷongasi sin kopontingan in bangusa naton bo kopontingan in kotá mita i Allah naton. Igumon mako ki Allah in mogaid kon onu in koibog-Nea.”

TAWARIKH 1 19:13

Pokorigon in gina! Koḻigai in kita moḷongasi takin mokopobarani sin kasaḷamatan in bangusa naton bo kasaḷamatan in kotá mita i Allah. Igumon mako ki Tuhan in mogaid kon onu inta kinoibog-Nea.”

MAZMUR 118:16

Kawasa-Nea in nopountung kon inaton! Ki Tuhan in nopoontongdon in kotorindog-Nea.”

MAZMUR 144:1

Nongkon i Daud. Dayowdon in ki Tuhan moḷoḷukadku! Sia in notundú kon inakó moropatoi, bo notundú kon inakó moparang.

MAZMUR 44:10

Táe tanaa Iko in nonaḷá kon inami bo nopomayá mako kon inami taḷowon. Iko in diádon minayá noyotakin nami kon poparangan.

MAZMUR 44:5

Ikobí in Datuku bo Allahku, inta nopountung kon umat-Mu.

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

YESAYA 63:3

“Tongá Aku-Akuoi mita in sinumuot kon pomomugutan kon anggur kon sigad in umat-Ku diá in notuḷung kon i-Nakó. Bangusa mita irita-ritakan-Ku kon bonu in torú-Ku, naonda bo noritak kon bungai in anggur. Dugú monia in noitoput nomuntad kon ḷambung-Ku, nokokotor kon bayongan in pakeang-Ku.

ZAKHARIA 10:5

Intau mita in Yohuda in mountungbí naonda bo pojuang mita inta moruntai kon musung naonda bo yoná kon daḷan. Mosia in totokbí in moḷongasi popisí in Akuoi, ki Tuhan in moduḷu kon i monia, bo tontara in musung inta sinumakoi kon kabaḷo in taḷowonbí monia komintan.

MALEAKHI 4:3

Kon singgai tatua Akuoi mopobayá in oaidan-Ku, bo moiko in monaḷowbí kon intau mita moraat, dá mosia in naondadon bo ḷobud mita inta irita-ritakan mako monimu.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

YOSUA 14:12

Tuamai, tanaa ogoidon in butá kon buḷud inta pinodandi i Tuhan kon inakó kon tungkuḷ in akuoi bo intau mita inta noyotakinku nobui mangoi kodia-dia in habar. Kon tungkuḷ intua iko tontaní in nokodongog, kon tua oyúon in bangusa in mongoḷoben bo moitoi inta sinangoi monia bangusa in Enak. Mosia nogutun kon bonu in kotá mita moḷoben inta dininding. Degá tuḷunganpabí i Tuhan in akuoi, dá akuoi in mokountundon kon i monia, ná inta pinoguman i Tuhan.”

WAHYU 19:15

Nongkon bibig-Nea tua iḷumuai in tobatú pitow inta moḷanit bo inta pakéon-Nea monaḷow kon bangusa mita. Sia in nomarenta kon i monia takin tungkud uatoi. Sia in momugut kon anggur kon bonu in tampat pomomugutan kon anggur torú i Allah Inta Totok in Mokawasa.