MAZMUR 60:10 - Alkitab Singog In Mongondow Masa In Tanaa

¹⁰ Táe Moab in pomomataan-Ku kon sioḷ; Akuoi in monggiow kon kinountungan kon Pilistea. Edom in pinopogambatan-Ku in aip in sioḷ-Ku nobaḻí tomponuot kon sia in Akuoi in kitogi.”

MAZMUR 60:10 ပူးပေါင်းရင်းမြစ်များ

SAMUEL 2 8:2

Ki Daud in nonaḷow doman kon intau in Moab. Pinoki siugannea in mosia kon butá, bodongka iḻimodnea in intau doyowa kon sigad in pomuḷoi in intau toḷu. Dá intau in Moab notogu ondokdon kon i Daud bo noguboḻi kon pajak kon inia.

SAMUEL 2 8:6

Onda intua ki Daud noposindog in ḷoḷaigan mita in tontara kon bonu in butá monia, bo motoguondok in mosia bo moguboḻi kon pajak kon inia. Ki Tuhan in nopountung kon i Daud kon ondakabí in bayáannea poparangan.

MAZMUR 108:11

Ki ine in modia kon inakó mayá in Edom? Ki ine in mokapit kon inakó mayá in kotá inta dininding tatua?

MAZMUR 20:7

Tanaa in kinotaauanku kon ki Tuhan in mopountung kon i datu inta piniḻí-Nea. Ki Tuhan in notubag kon inia nongkon soroga inta motusi; pinodoyon kon kawasa i Tuhan pountungon totok.

MAZMUR 60:1

Kon i itoi in mododondong. Podudui in dondong: Bungang bakung kosakusian. Mazmur topotundú nongkon i Daud,

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

ULANGAN 1:42

Táe ki Tuhan noguman kon inakó, ‘Dikabí pomayámu mako in mosia mayá moparang, sin diábí takinan-Ku in mosia, bo mosia in taḷowonbí in musung monia.’

ULANGAN 20:4

Ki Tuhan Allahmu in dumuduibí sin motuḷung kon i monimu, bo Sia in mopountungbí kon inimu.’

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.

YOSUA 7:12

Tuamai in mosia diá mokotongkod kon musung. Mosia sinaḷow in musung sin mosia tontaní aindon pinopoḷabúan in hukuman sin yopúon. Diá bidon takinan-Ku bui in moiko, aka barang mita inta diá motaau gamáan tatua diápa payongon.