MAZMUR 60:1 - Alkitab Singog In Mongondow Masa In Tanaa

¹ Kon i itoi in mododondong. Podudui in dondong: Bungang bakung kosakusian. Mazmur topotundú nongkon i Daud,

MAZMUR 60:1 ပူးပေါင်းရင်းမြစ်များ

SAMUEL 2 10:16

Bo ki Datu Hadadezer nokioiní in intau in Siria inta kon dotá in pomukaan kon Ongkag in Eprat, dá namangoidon in mosia kon Helam kon bonu in tongganut i Sobakh, tongguḷu totokan in tontara i Datu Hadadezer nongkon Zoba.

SAMUEL 2 5:20

Onda intua minayádon in ki Daud kon Baal-Perasim bo sinaḷownea kon tua in tontara mita in Pilistin. Bo noguman in sia, “Ki Tuhan ain nondumpak kon poḷoḷukadan in musungku, naonda bo ḷunud noyompat kon bayongan in yagi-yagi tongá sakidap mako natua.” Tuamai in tampat tatua sinangoian Baal-Perasim.

SAMUEL 2 8:14

Noposindog in sia in ḷoḷaigan mita in tontara kon bayongan in Edom, bo intau mita in Edom tatua notoguondokdon kon inia. Ki Tuhan in nopountung kon i Daud kon ondaka in bayáannea poparangan.

SAMUEL 2 8:3

Noiduduimai kon tua nonaḷow in ki Daud kon i Datu Hadadezer adí i Rehob inta nomarenta kon Zoba, dodatuan tobatú inta kon diug in Damsyik. Kon tungkuḷ intua ki Hadadezer kon bonu in binayáan sin mopoguḻit bui in kawasa nea kon butá inta kon diug in uḷuan in Ongkag in Eprat.

DATU MITA 2 14:7

Kon pinoparangan tobatú, ki Amazia in noḻimod kon 10.000 in tontara in Edom kon Ḷopá in Asin, bo nogagow kon kotá in Sela. Kotá tatua in sinangoiannea Yokteel. Dapot in tanaa mako kotá tatua in umuranpabí doman Yokteel in tangoinea.

TAWARIKH 1 18:3

Onda intua ki Daud nonaḷow kon i Hadadezer, datu kon Zoba kon diug in butá in Hamat kon butá in Siria. Kon tungkuḷ intua ki Hadadezer kon bonu in binayáan sin mayá mongawasa kon butá inta kon diug in uḷuan Ongkag in Eprat.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 2 25:11

Ki Amazia in nokopobarani bo nodia kon tontaranea minayá in Ḷopá in Asin. Kon tua in mosia noparang poḷat noḻimod kon 10.000 in tontara in Edom.

MAZMUR 108:11

Ki ine in modia kon inakó mayá in Edom? Ki ine in mokapit kon inakó mayá in kotá inta dininding tatua?

MAZMUR 44:9

Dá kami in umuranbí mopoyunggaga kon ini-Mu, bo tantú mopoyaput in sukur kon ini-Mu.

MAZMUR 59:1

Kon i itoi in mododondong. Podudui in dondong: Dika moyopú. Mazmur i Daud, kon tungkuḷ in ki Saul nopotabá kon intau noḷukad kon baḷoinea sin moḻimod kon inia.

MAZMUR 59:11

Popisí in kopopia-Nea ki Allahku in namangoi kon inakó, Pinomayá-Nea mako in akuoi nokoontong kon musungku sinaḷow.

MAZMUR 60:10

Táe Moab in pomomataan-Ku kon sioḷ; Akuoi in monggiow kon kinountungan kon Pilistea. Edom in pinopogambatan-Ku in aip in sioḷ-Ku nobaḻí tomponuot kon sia in Akuoi in kitogi.”

MAZMUR 74:1

Dondong topotundú i Asap. O Allah, degá modapot in mononoi taḷaan-Mu in kami? Nongonu sin Iko in umuranbí tumorú kon umat-Mu tontaní?

MAZMUR 79:5

O Tuhan, degá modapot in mononoi tumorú in Iko, bo intoi-Mu in moborambang naonda bo tuḷú?

MAZMUR 79:9

Tuḷungaipa kaasí in kami o Allah, mopoposaḷamat nami, ampungaipa in dosa mita nami bo poḷuatdon in kami podoyon kon kahoromatan-Mu tontaní.

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 80:3

kon tayowon i Epraim, i Benyamin bo i Manasye. Poontongdon in kawasa-Mu kon inami, bo angoidon moposaḷamat kon inami.

MAZMUR 85:4

Mosia in diá bidon sinorúan-Mu; torú-Mu inta motoyang in ginamá-Mudon bui.

MAZMUR 89:19

Sin mogogoḻingoi nami in intau inta piniḻí-Mu, o Tuhan; datu nami in ki Allah Mokudus in Israel in kitogi.

MAZMUR 89:3

Sin kinotaauanku kon tabi-Mu in mononoi, kososatia-Mu in motorindog naonda bo ḷangit.

MAZMUR 89:38

Dodatuannea in umuranbí oyúon naonda bo buḷan, sakusi mosatia in kon goḷom mita.”

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

MAZMUR 90:13

O Tuhan, modapot in toonu Iko in tumorú? Pobuidon bo kotabipa in mogogundoi-Mu mita.

ZAKHARIA 10:6

“Intau in Yohuda in iropotan-Kubí, umat in Israel in posaḷamaton-Ku. Diaan-Ku in mosia mobui mangoi kon butánea popisí in Akuoi motabi kon i monia. Popoaid-Kubí kon i monia naonda bo bangusa inta diá kon dodai in onda in iḻiong-Ku. Akuoibí in ki Tuhan Allah monia, bayongan in sambayangnea in indongogan-Kubí bui.

SAMUEL 1 13:11

táe ki Samuel in noḻibó, “Onudon degá in inaidan i Tuang?” Tubag i Saul, “Inontongku rayat in momangkoidon monaḷámai kon inakó, bo ki Amá in diápa doman noiangoi podudui in wakutu inta ain sinantú i Amá. Apa doman intau in Pilistin ain noyosipun kon Mikhmas.

SAMUEL 1 4:17

Intau inta nodia kon habar tatua notubag, “Israel noḷagui kon intau in Pilistin. Kita in sinaḷow totok. Nobayong in intau in minatoi, ki adí doman i amá inta doyowa, ki Hopni bo ki Pinehas. Bo Poti Dodandian i Allah inagow in musung!”