MAZMUR 58:9 - Alkitab Singog In Mongondow Masa In Tanaa

⁹ Biódon mako in mosia naonda bo kií inta ḷumoḷayat mobaḻí muntong, naonda bo adí mointok inta minatoi kon tungkuḷ in diápa nokoontong kon nobayag.

MAZMUR 58:9 ပူးပေါင်းရင်းမြစ်များ

AYUB 18:18

Nongkon nobayag in sia pinoguntun minayá in sindip; nongkon dunia in intau nobiag inuntun in sia.

AYUB 27:21

Tompot in pomukaan nobuat kon inia, bo nonimpat kon inia nongkon baḷoinea.

AYUB 3:16

Nongonu sin akuoi in diábí pinononggadí poḷat minatoi sinbá akuoi in mosiug bo moḷoḷot totok?

MAZMUR 10:2

Dumodia in intau moraat mondorot kon intau nobogá; pomayádon mako in mosia moibaaḷ kon poyogaḷap monia tontaní.

MAZMUR 10:5

Intau moraat mokodapot kon bayongan inta iḷongasinea; sia in diábí nonotaau andeka nomangaḻe kon hukum i Tuhan bo mopoompámai kon bayongan in musungnea.

MAZMUR 118:12

Naonda bo pasukan mosia in noḻibut kon inakó; pinodoyon kon kawasa i Tuhan, sinaḷowku in mosia, Tongá tokokiap monag piniyongan in mosia naonda bo tuḷú inta nomokak kon bo bonganga.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

AMSAL 1:27

Singkuḻeonku in moiko aka moḻia-ḻiaw in gina monimu bo mororiga popisí in kinoantugan in bodito inta namangoi naonda bo deḷang.

AMSAL 10:25

Aka deḷang mondangat, moyopúdon in intau moraat; táe intau inta motuḻid in gina in umuranbí moroton.

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

MOHOHUTUBA 7:6

Kosing in intau bodok diá in mangaḻenea, naonda bo doradak in pinotubáan kon dugi.

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

YESAYA 40:24

Mosia tua in naonda bo pinomuḷa noguod inta bagu momuká in uakatnea. Aka ki Tuhan mopoirup in tompot, moingkag in mosia bo poḷayugon naonda bo wawa.

YEREMIA 23:19

Torú i Tuhan in nádon deḷang inta nondangat bo nonubu kon intau mita inta moraat.

PINOGIAPAN 16:30

Táe aka ki Tuhan momia kon tobatú inta diápa dodai in onda in dinongog monimu naa in kino oonggot, bo aka butá mobotak sin moḻiom kon i monia takin bayongan kapunyaan monia, dá mosia in tumuotdon kobia-biagpa kon bonu in dunia intau minatoi, kotaauandon monimu kon intau mita tatua noḷawang kon i Tuhan.”