MAZMUR 58:6 - Alkitab Singog In Mongondow Masa In Tanaa

⁶ inta diá mokodongog kon singog in pawang inta mopandoi, andeka singog in mososingog kon totaau inta motoḻindat.

MAZMUR 58:6 ပူးပေါင်းရင်းမြစ်များ

AYUB 29:17

Táe kawasa in intau mokotor, pinutoḷku, bo kuruban monia in pinosaḷamatku.

AYUB 41:14

Ki ine in mokobuká kon tungginea inta moropot, inta nopuḻing in bagang mita mongoroton?

MAZMUR 10:15

Putoḷaidon in kawasa in intau moraat bo moromú; hukumdon in mosia popisí in aidnea modapot in mosia motobat.

MAZMUR 17:12

Mosia in naonda bo singa inta modomok kon kokaanonnea, singa batánea inta moḷabot nongkon tampat moiadop.

MAZMUR 3:7

Diábí in akuoi moondok kon ribuan in musung inta mongopung kon inakó nongkon bayongan tampat.

MAZMUR 91:13

Ḷampanganmubí in uḷag bo singa, moritak kon singa batánea bo uḷag mobisa.

MOHOHUTUBA 10:11

Aka uḷag monobak kon dodai in diápa iyonok in totaau, dá intau inta moyoyonok kon uḷag in diá bidon in mangaḻenea.

YESAYA 31:4

Ki Tuhan in noguman kon inakó, “Naonda bo singa moganggor sin moḷukad kon onu inta noaḷapnea bo diábí motaau gogondokon in karak bo guak in gombala topaanan inta pinotabá moḷawang kon inia, natua doman in Akuoi in moparangbí bo moḷukad kon Buḷud in Sion.

YEREMIA 8:17

“Tondudutka!” guman i Tuhan. “Tanaa Akuoi in nopotabádon in uḷag mita namangoi kon yua-yuakmu sin monobak kon i monimu, uḷag mobisa inta diábí kotugatan in totaau.”

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

MIKHA 5:8

Israel in monaḷowbí kon musungnea mita poḷat morimumud kon i monia komintan.

PINOGIAPAN 23:24

Bangusa tatua nobangon naonda bo singa kobaayan, bo simindog motorindog naonda bo singa koḷakian. Diábí in sia mosiug aka diápa mokaan kon onu in kokaanonnea bo monginum kon dugú in kuruban inta dinomoknea.”