MAZMUR 56:6 - Alkitab Singog In Mongondow Masa In Tanaa

⁶ Kinoouput in singgai musung mopotombauk in pelekaraku, umuranbí in mosia moḷongasi mopobodito kon inakó.

MAZMUR 56:6 ပူးပေါင်းရင်းမြစ်များ

AYUB 14:16

Bo umuran ḷukadan-Mu in ḷangkadku mita, táe diá bidon indoian-Mumai in dosaku.

AYUB 16:10

Bukáan in intau mita koḷobenon in bibig monia sin moningkuḻe kon inakó; akuoi iḻibutan bo putongiku in sinokap.

AYUB 31:4

Kinotaauanbí i Allah in bayongan oaidku; inontong-Nea in bayongan ḷampangku.

MAZMUR 140:2

Poḷuatdon in akuoi nongkon intau moraat, o Tuhan, ḷukadaidon in akuoi nongkon intau inta moḻingá.

MAZMUR 37:32

Intau mopia tarapon mako in intau moraat inta motayak kon kasampatan moḻimod kon inia.

MAZMUR 57:6

O Allah, poontongdon in koḷoḷantud-Mu kon ḷangit, bo kamuliaan-Mu kon sinangkub in butá.

MAZMUR 59:3

Poḷuatdon in akuoi kon intau inta mopoaid in moraat, pomiḷaguidon in akuoi nongkon moḷoḻimod mita.

MAZMUR 71:10

sin musungku mita in mongongumandon kon inakó, intau mita inta moibog moḻimod kon inakó in noyopopogdon.

MAZMUR 89:51

Toropdon kaasí o Tuhan, naonda in pinongongempeng kon mogogundoi-Mu naa, akuoi in nobaba kon singkuḻe in nobayong in bangusa.

AMSAL 24:15

Dikabí ná intau moraat inta moyopakat mogagow kon onuka kon intau motuḻid bo mogagow kon baḷoinea.

YESAYA 54:15

Aka moiko tubuon, deemanbí Akuoi in nopotabá, ki inekabí in monubu kon inimu in moḷabúbí.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

DANIEL 6:4

Bo noniata magí oaidan i Daniel in mopia-pia nongkon pogogaid in gubernur mita bo pongawas mita ibanea. Tuamai in ibogon i datu sia duíon mobaḻí pongawasa kon sinangkub in dodatuan.

MATIUS 26:57

Naonda in dinomok monia in ki Yesus, dinia monia pinotayow kon i Kayapas. Tobatú imang moḷoben. Kon tua aindon nosipun in mototundú mita kon agama bo guhanga mita in ḻipú.

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

LUKAS 20:20

Mototundú mita kon agama bo imang mita itoi umuran monaridi mako kon i Yesus. Kon tua mosia in nonondan kon tobatú intau inta mayá kon i Yesus bo ki ubo-uboḷmai ná intau mopia. Mosia in nokiḻibó in soaḷ inta inanggap monia motaau kouḻían monia kon taḷá i Yesus, sahingga oyúondon in baḻíon monia dodoyonan podomokan kon i-Nia bo posarakan kon i gubernur.