MAZMUR 56:4 - Alkitab Singog In Mongondow Masa In Tanaa

⁴ Kon dodai in noondok in akuoi, akuoi in nongamang kon ini-Mu.

MAZMUR 56:4 ပူးပေါင်းရင်းမြစ်များ

TAWARIKH 2 20:3

Noondok in ki Yosapat bo nosambayang in sia nopoigum in totundú i Tuhan. Onda intua sia in nomarenta sinbá bayongan in rayat mopuasa.

TAWARIKH 2 20:4

Nongkon batúan in kotá kon Yohuda intau mayá in Yerusalem sin mopoigum in totuḷung i Tuhan.

MAZMUR 118:6

Akuoi in diábí moondok sin ki Tuhan in kotaki-takinku, intau in diábí mokopongonu kon inakó.

MAZMUR 119:160

Bayongan in tosingogon-Mu in totuubí, bayongan in hukum-Mu inta moadil tatua in umuranbí mononoi.

MAZMUR 12:6

Guman i Tuhan, “Intau nobiag nobogá doroton bo intau mororiga mogamui. Dá tanaa doman Akuoi in namangoi mobogoi in kobiagan moodom inta kinoibog monia.”

MAZMUR 138:2

Tumungkud in akuoi tumayow kon Baḷoi-Mu inta motusi poḷat modayow kon tangoi-Mu, sin Iko in mosatia bo umuran motabi. Iko in mopounabí in dandi-Mu nongkon onu in pinoguman in intau soaḷ Iko.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

YESAYA 31:3

Intau in Mesir tongábí intau, deemanbí Allah. Kabaḷo monia in biagbí biasa, deemanbí ná ki Allah. Aka ki Tuhan mopoaid in oaidan-Nea, bangusa inta mototuḷung tatua in moipintudbí bo bangusa inta sinuḷungannea in moḷabúbí. Dá taya dua tua in tumpaḷa moyopú.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YOHANES 10:35

Kinotaauanbí naton kon onu inta ain pinais kon bonu in Buk Motusi umuranbí pakéon, diábí in goga-gogainea. Dá aka ki Allah monangoi ‘ilah’ kon intau mita inta nopirisayadon kon singog-Nea.

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.