MAZMUR 56:2 - Alkitab Singog In Mongondow Masa In Tanaa

² Kotabipa kaasí in akuoi, o Allah, sin sinubu in akuoi, umuranbí in akuoi doroton in musungku mita.

MAZMUR 56:2 ပူးပေါင်းရင်းမြစ်များ

MAZMUR 3:1

Mazmur i Daud, kon tungkuḷ in sia noḷagui nongkon i Absalom, ki adínea.

MAZMUR 35:1

Mazmur i Daud. Tuhan, tayowaidon in intau inta monayow kon inakó, parangdon in intau inta momarang kon inakó.

MAZMUR 41:5

Gumanku, “Akuoi in binaradosadon kon ini-Mu, o Tuhan, kotabipa kaasí in akuoi bo undamaipa in akuoi.”

MAZMUR 54:5

Sin intau ango-angoi simindog monubu kon inakó, intau moḷoḷatú moibog moḻimod kon inakó, mosia in diábí mopandungmai kon i Allah.

MAZMUR 57:3

Akuoi in nokuani kon i Allah Inta Totok in moḷantud, kon i Allah inta motuḷung kon inakó.

MAZMUR 9:2

Takin ḻimbatú in gina akuoi moibog mopoyaput in sukur kon ini-Mu o Tuhan, bo mopotaau in oaidan-Mu inta mokoherang.

MAZMUR 91:1

Intau inta nokiḷukad kon i Inta Totok in Moḷantud, bo inta nogutun kon bonu in oḻiung i Inta Totok in Mokawasa,

MAZMUR 92:1

Dondong kon singgai in Sabat.

MAZMUR 92:8

Aka intau diá mopirisaya mobiag moḷumbá naonda bo bonok, bo intau moraat modugang mooyúon bo mobiag moromon; táe mosia in yopúonbí komintan,

MAZMUR 93:4

Táe ki Tuhan inta nongawasa kon soroga, in motoya-toyang kon gonuaḷ in tubig kon baḷangon, moropo-ropot nongkon torú in bokoḷ.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

DANIEL 5:18

Ki Allah Inta Totok in moḷantud nomaḻí kon i Nebukadnezar ki amá i Tuangku nobaḻí datu moḷantud bo nobogoi kon inia in koḷoḷoben bo ponango-nangoian.

MIKHA 6:6

Onu degá in musti posumba naton kon i Tuhan, Allah kon soroga, aka mamangoi in kita moibada kon i-Nia? Musti degá in kita modia kon sapi batánea inta totok in moḷomumu sin posumba baḻíon kuruban payongon kon i-Nia?

WAHYU 16:14

Mosia tua in dimukud mita moraat inta nogaid kon soaḷ mita inta mokoherang. Dimukud taya toḷu tatua in minayá kon bayongan datu kon dunia naa bo nosipun kon i monia sin moparang kon singgai inta moḷoben, Singgai i Allah Inta totok in Mokawasa.