MAZMUR 56:10 - Alkitab Singog In Mongondow Masa In Tanaa

¹⁰ Kon singgai in akuoi mokuani kon ini-Mu, musung in bongkugonbí modapot in umundok, sin kinotaauanku kon ki Allah in dumotábí kon inakó.

MAZMUR 56:10 ပူးပေါင်းရင်းမြစ်များ

KINOBAḺIAN 32:11

Akuoi in mopoigumdon totok, posaḷamatpa in akuoi nongkon i Esau ki guya-guyangku. Akuoi in moondok dikabo sia in mamangoi monubu bo moyopú kon i nami komintan, diá doman taḻibannea in bobay bo adí mita.

TAWARIKH 2 18:31

Dá naonda in mosia nokoontong kon i Datu Yosapat, kai monia kamai dá siabí tua in datu in Israel. Tuamai in sinubu monia in sia. Táe ki Yosapat in nomaḷú, bo sinuḷungan i Tuhan Allah in sia, bo nomurowdon kon pinonubuan tatua kon tampat ibanea.

MAZMUR 118:6

Akuoi in diábí moondok sin ki Tuhan in kotaki-takinku, intau in diábí mokopongonu kon inakó.

MAZMUR 124:1

Dondong i Daud kon dodai in mayá in Baḷoi Tuhan. Naonda degá aka kuma bo ki Tuhan diá dumotá kon i naton? Ei Israel, tubagaidon nanaa:

MAZMUR 124:2

“Aka kuma bo ki Tuhan diá dumotá kon i naton kon tungkuḷ in kita tubuon in musung,

MAZMUR 56:4

Kon dodai in noondok in akuoi, akuoi in nongamang kon ini-Mu.

MAZMUR 60:6

Inogoian-Mu in tompoingat in intau mita inta mopirisaya, sinbá mosia moiḷagui kon hukuman.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

PETRUS 2 1:4

Natua in aid i Allah mobogoi kon i naton in barakat-Nea inta moḷoben bo baraguna totok inta ain pinodandi-Nea. Sinbá aka barakat tatua oyúondon kon i monimu, yo moiko in diádon kawasaan in ibog mita moraat inta mokogoguyaat kon dunia naa, bo moiko in moitakin motarima kon sipat i Allah.