MAZMUR 55:21 - Alkitab Singog In Mongondow Masa In Tanaa

²¹ Yobayatku dungkuḷmai monubu kon yobayatnea mita, iḻimimpatdon in sia kon dodandiannea.

MAZMUR 55:21 ပူးပေါင်းရင်းမြစ်များ

SAMUEL 2 16:19

Apadoman, ki inepabí in bantunganku? Tantú adíbí ḷoḷaki i tuangku! Ná pinobobantungku kon i amá i Tuang, yo natuabí doman in pobobantungku kon i Tuang in tanaa.”

AYUB 41:3

Degá mopoigum in sia kon inimu sinbá buḻianmu? andeka moyosingogmu, mopoigum in totabi?

MAZMUR 12:2

Tuḷungaipa kaasí in kami, o Tuhan, sin diádon in intau mopia, intau inta mosatia kon ini-Mu ain noyopú.

MAZMUR 28:3

Dikabí moyompat kon inakó poyotakinon in intau moromú, moyotakin in intau inta nogaid kon inta moraat. Mopia in potosingog monia, táe gina monia in nopuḻing in moraat.

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

MAZMUR 59:7

Kon dodai in ḷoḷabungneadon mobui in mosia, mogoob naonda bo ungkú sindaḷan moḻibu kon kotá.

MAZMUR 62:4

Modapot in toonu in moiko komintan in moibog monubu kon intau inta nádon onda bo dinding noendeg bo dinding inta ain moumpag?

MAZMUR 64:3

Oḻingoiaipa in akuoi nongkon pinoyopopogan in intau moromú, nongkon tomayá molicik in intau mita moraat.

AMSAL 12:18

Tongá kino singo-singognea in mokotompaḻí kon gina naonda bo turakon in pitow; tosingogon mita mobijaksana in naonda bo undam inta mokopia.

AMSAL 26:28

Monguboḷ kon intau notongkaibí in moyaat in gina kon inia. Moburidilá mako mokopoangoi kon bodito.

MATIUS 26:25

Ki Yudas inta moposarakan kon i-Nia tua in noguman doman, “Deemanbí akuoi naa Guru?” Ki Yesus in noguman kon inia, “Natua kain singogmu.”

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

SAMUEL 1 18:22

Bo nopotabá in sia kon pogawainea mopotaau intua kon i Daud takin umuni-uni, nanaa, “Ki Tuang Datu motabi kon inimu bo natua doman in bayongan in pogawainea; dá naadon in wakutunea inta mopia kon inimu mononibuḷoi kon i adínea.”