MAZMUR 55:20 - Alkitab Singog In Mongondow Masa In Tanaa

²⁰ Ki Allah inta nomarenta nongkon pinomangkoian in mongindongogbí kon inakó bo monaḷow kon i monia. Sin mosia in doíbí tumobat, bo diá moondok kon i Allah.

MAZMUR 55:20 ပူးပေါင်းရင်းမြစ်များ

SAMUEL 2 18:12

Táe intau tatua in notubag, “Umpakabí ogoian in doit saḷaka toribu in akuoi, yo doíbí in akuoi mopoyoyigamai kon i adí ḷoḷaki i datu. Kami komintan in nokodongogbí kon onu in pinarenta i datu kon i Tuang bo kon i Abisai bo kon i Itai, sinbá diá monompaḻí kon tayowmobiag tatua sin monorop kon i datu.

SAMUEL 2 2:4

Onda intua intau mita in Yohuda namangoi kon Hebron, bo noduí kon i Daud nobaḻí datu kon Yohuda. Naonda in ki Daud nokodongog kon intau mita in Yabesh kon Gilead noḷobongdon kon i Saul,

SAMUEL 2 5:3

Ki Daud in nomia kon dodandian takin itoi mita in Israel tatua kon Hebron, bo dinuí monia in sia nobaḻí datu in Israel.

DATU MITA 2 17:34

Umaai in singgai naa mosia in umuranpabí doman mopobayá in adat kabiasaan monia. Mosia in diábí moibada kon i Tuhan bo diá doman motoindudui kon hukum mita bo parenta-Nea mita inta inogoi-Nea kon buí i Yakub, inta sinangoian-Nea doman Israel.

MAZMUR 109:5

Aidku mopia kon i monia tuḻían monia in moraat, bo tabiku in tuḻían monia in yaat in gina.

MAZMUR 6:10

Ki Tuhan in nokidongogbí kon oigumku bo notubagdon kon sambayangku.

MAZMUR 7:4

O Tuhan Allahku, aka kuma bo akuoi nonombogá, nogaid kon inta moraat kon yobayat, andeka nokoporugimai kon musung takin diá in kinodoyonannea, aka kuma bo inaidanku in natua,

MAZMUR 89:28

Baḻíon-Kubí in sia ki adí-Ku ḷoḷaki guya-guyang, inta moiḻiu in ḷantud nongkon bayongan in datu.

MAZMUR 89:34

Táe Akuoi in umuranbí motabi kon i Daud, bo diábí monaḷámai kon kososatia-Ku.

MAZMUR 89:38

Dodatuannea in umuranbí oyúon naonda bo buḷan, sakusi mosatia in kon goḷom mita.”

MAZMUR 93:2

Pomomarentaan-Mu in noroton nongkon pinomangkoianmai, nongkon kinononoian oyúon in Iko.

MOHOHUTUBA 8:2

Duduiai aka parentaan i datu, bo dika ḻimika-ḻikat in modandi kon i Allah.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

OUMAN IN RASUL MITA 12:1

Kon wakutu intua ki Datu Herodes nomangkoidon momogutú kon bayongan jamaat.

SAMUEL 1 22:17

Bo sia in nomarenta kon bayongan in moḷoḷukadnea inta sinimindog kon diugneamai, “Ḷagidon ḻimod in imang mita i Tuhan tatua! Mosia tua in noyopakatdon takin i Daud. Kinotaauandon monia kon ki Daud in noḷaguidon, táe mosia in doíbí nopotaau kon inakó.” Táe moḷoḷukadnea mita tatua in doíbí moḻimod kon imang mita i Tuhan tatua.

SAMUEL 1 24:10

Nobobui in ki Saul ná tumi bo sinumungkud in ki Daud takin horomat bodongka noguman, “Nongonu sin ki Tuang Datu in mokidongogbí kon singog in intau inta noguman kon akuoi in moibog mopobodito kon i Tuang Datu?