MAZMUR 55:10 - Alkitab Singog In Mongondow Masa In Tanaa

¹⁰ Oo Tuhan, potoboḻingudon in musungku mita, potombaukdon in ouman monia, sin kon kotá inontongkudon in aid motogat bo ropatoi.

MAZMUR 55:10 ပူးပေါင်းရင်းမြစ်များ

SAMUEL 2 15:31

Naonda in pinotaaudon kon i Daud kon ki Ahitopel in sinumakin doman kon komplotan i Absalom, nosambayangdon in ki Daud nanaa, “Oo, Tuhan, poigumon mako poyayúon-Mudon in tonggina i Ahitopel!”

MAZMUR 58:3

Diá, moiko in nonomayá kon moraat, bo nopoaid kon inta mobogat kon butá tanaa.

MAZMUR 59:6

Sindogdon, o Allah Inta Totok in moḷantud, tuḷungaipa in akuoi. O Allah in Israel, indoiaidon tontaní. Pobangondon bo hukumdon in bangusa mita, dikabí motabi kon intau mita moraat inta ain nonoḻikud.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

HOSEA 7:6

Naonda bo tuḷú kon bonu in doḷuong natuata in niat moraat bo torú monia nonombaga kon bonu in gina monia kinoouput in doḷom, bo naonda in doḷo-doḷom sinumagab nobaḻí dokot in tuḷú inta noborambang.

HABAKUK 1:3

Nongonu sin tongábí pomayá-Mu mako in akuoi in mokoontong kon námai tua in kobayong in aid moraat? Yo umpaka dá mokotahang in Iko in mokoontong kon námai tua in aid diá moitutui? Kon bayongan in tampat oyúon in porimumudan bo aid motontogat, poropatoian bo yogenggengan.

YOHANES 18:28

Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

YOHANES 18:3

Dá ki Yudas in namangoidon in tampat tatua takin kodia-dia in tokolompok in tontara in Rum bo tongonu domanmai in moḷoḷukad kon Baḷoi Tuhan inta pinotabá in imang mita itoi bo in intau mita in Parisi. Mosia in nodia kon ḷoḷutam, lantera bo poḷombow.

OUMAN IN RASUL MITA 9:24

Táe makusud monia tatua kinotaauan i Saulus. Doḷom bo singgai mosia in mogoḷat mako kon ngara in kotá tatua, sin moḻimod kon inia.

SAMUEL 1 19:11

Kon doḷom doman tuata ki Saul nopotabá in tongonumai in intau minayá kon i Daud sin motarap kon i Daud bo moḻimod kon inia naonda in doḷo-doḷomdon. Táe ki Mikhal ki buḷoinea in noguman kon inia, “Aka diá moḷagui in iko in doḷom naa, yo ikoḷom doḷo-doḷom notantú bidon kon ḻimodon monia in iko.”