MAZMUR 54:6 - Alkitab Singog In Mongondow Masa In Tanaa

⁶ Táe ki Allah in mototuḷungku; Ki Tuhan in mododuḷuku.

MAZMUR 54:6 ပူးပေါင်းရင်းမြစ်များ

MAZMUR 107:22

Biódon mako in mosia mopoyaput in sukur poḷat modia kon sosumba, bo mopotaa-taau mako in aid-Nea pongin dondong pia in gina.

MAZMUR 116:17

Akuoi in modiadon kon kuruban sukur kon ini-Mu, sindaḷan mopoyaput in sambayang kon ini-Mu.

MAZMUR 118:7

Ki Tuhan in kotaki-takinku sin motuḷung kon inakó, akuoi in mokoontongbí kon musungku taḷowon.

MAZMUR 140:13

Kinotaauanku kon Iko in mobogoibí in inta moadil kon intau inta dinorot, bo moduḷu kon pelekara in intau nobogá.

MAZMUR 147:1

Dayowdon in ki Tuhan! Sin mopiabí totok in modayow kon i-Nia, bo mokosanangbí in mopodondong in dondong dodayow kon i-Nia!

MAZMUR 21:13

Popopiot-Neabí in mata in piot-Nea, dá momurow in mosia bo moḷagui.

MAZMUR 50:14

Posumbadon in kuruban sukur kon i Allah, intompodaidon in dandimu kon i Inta Totok in moḷantud.

MAZMUR 52:9

“Tuata in intau inta diá namangoi kon i Allah, táe mongamang mako kon kaoyúonan inta mobarong totok bo mogadop kon pakakat inta inagownea.”

MAZMUR 7:17

Dá sia in ihukumbí in aidnea tontaní inta moraat, bo iroriga in aidnea tontaní inta moḻingá.

MAZMUR 92:1

Dondong kon singgai in Sabat.

YESAYA 50:7

Sin ki Tuhan Allah in notuḷung kon inakó, dá akuoi in diá pinokopo oyámai. Akuoi in noginrigon kon ginaku sinbá mokoigon; kinotaauanku kon akuoi in diábí pokopooyáanmai.

YESAYA 50:9

Totuu, ki Tuhan Inta Totok in moḷantud in moduḷu kon inakó, ki ine in mokobaḻí moguman kon akuoi in kotaḷá? Komintan intau inta moponapud kon inakó in moyopúbí naonda bo yumbit in ketek kinaan in anoi.