MAZMUR 52:8 - Alkitab Singog In Mongondow Masa In Tanaa

⁸ Nokoontongmai kon tua, intau motoḷutui angoian in ondok, bo kumosing kon inimu poḷat moguman,

MAZMUR 52:8 ပူးပေါင်းရင်းမြစ်များ

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

MAZMUR 128:3

Ki buḷoimu bobay in naonda bo pangkoi in anggur inta moḷumbá kon bonu in baḷoimu. Ki adímu mita in naonda bo poḻimping in pangkoi in zaitun kon ḻibu in mejamu.

MAZMUR 13:5

Dika pomayá mako in musungku in moguman kon mosia in nonaḷowdon kon inakó. Dikabí pomayá mako in akuoi goḷokapan monia.

MAZMUR 147:11

Mopia in gina i Tuhan kon intau inta motoguondok, kon intau inta umuran mongamang mako kon tabi-Nea.

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.

MAZMUR 58:11

Mokoontong kon intau moraat hukumon, mopia in gina in intau motuḻid, bo momatá kon sioḷnea kon bonu in dugú in intau moromú.

YEREMIA 11:16

Nokoimontandon in Akuoi nonangoi kon i monia pangkoi in zaitun mobambar, nopuḻing in bungai in ayop inta mopia. Táe, tanaa takin singog in gotup inta motoyang turubon-Ku in daunnea mita bo putoḷon-Ku in bayongan in tanganea.

SURAT I PAULUS KON JAMAAT RUM 11:24

Iko inta deeman nongkon bangusa Yahudi in naonda bo tanga nongkon pangkoi in zaitun ḷoḷog. Dá aka iko inta noyoposi in sipatmu bo notaau pinopokompit kon pangkoi in zaitun taakan, dá apadoman intau mita in Yahudi inta pinoumpama tanga mita in pangkoi in zaitun inta taakan tatua. Tantú mogampa-gampangbí i Allah in mopoyobui kon i monia kon pangkoinea tontaní.