MAZMUR 51:7 - Alkitab Singog In Mongondow Masa In Tanaa

⁷ Totuubí, akuoi in moraat pinangkoi kon dodaipa in pinononggadí, bo kinotugatandon in dosa pinangkoi kon bobuḷadían.

MAZMUR 51:7 ပူးပေါင်းရင်းမြစ်များ

AYUB 14:4

Motaau degá in intau baradosa mokopoangoi kon inta motompod?

MAZMUR 58:4

Intau moraat ain noiḷaḻe pinangkoipamai kon bonu in bobuḷadían mosia in nongakaḷdon pinangkoipamai kon pinononggadí.

IḶUAIAN 12:22

Pogamádon kon hisop tobogot, poḷodok kon bonu in tano-tanó inta binonuan in dugú in domba tatua, bodongka popoḻepo kon oigi in ḷoḻingkop doyowa bo kon ḻimonik in ḷoḻingkop in baḷoimu. Modapot in doḷo-doḷom dika tobatúmai kon sigad monimu i monaḷámai kon baḷoi.

YESAYA 1:18

Ki Tuhan in noguman, “Igai toḻisíon naton in pelekara tanaa. Umpaka moiko mopura bayan popisí in dosamu mita, yo moiko in daritan-Kubí modapot in mobudó naonda bo kapot. Umpaka dosamu mita mobarong bo mobogat, moiko in ampungan-Kubí komintan.

YOHANES 13:9

Dá ki Simon Petrus in noguman, “Aka natua Tuhan, donaaidon tongá sioḷku, takindon doman ḻima bo uḷuku naa!”

IBRANI 9:19

Munapabí in ki Musa nopotaau in bayongan hukum i Allah kon intau mita in Israel. Onda intua sia nogamá kon dugú in ki adí in sapi bo dugú in bembé koḷakian bo binaukannea in tubig. Noiduduimai kon tua pinisikanneadon in Buk inta pinomaisan kon hukum mita inta nongkon i Allah bo bayongan intau in Israel. Sia in nomisik kon tua takin hisop bo bubuḷ in domba inta nopuya totok in batangannea.

YOHANES 1 1:7

Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,