MAZMUR 51:19 - Alkitab Singog In Mongondow Masa In Tanaa

¹⁹ Kuruban kon i Allah in ginabí inta norimumud, gina inta motoindudui bo notobat diábí inindoí-Mu.

MAZMUR 51:19 ပူးပေါင်းရင်းမြစ်များ

DATU MITA 2 22:19

nomanasaḷ in iko bo inumompá kon tayowon-Ku. Ginogondok-Kudon kon mohukum kon Yerusalem bo intaunea mita. Aidan-Ku kon kotá tatua in oontongon inta mokoondok, bo tangoi in Yerusalem in baḻíon-Ku tangoi kutukon. Táe naonda in kinodongoganmu in gogondok-Ku tatua, nongombaḷ in iko bo nomerak kon ḷambungmu nobaḻí tomponuot kon morobonoḷ in ginamu. Dinongog-Kudon in sambayangmu,

MAZMUR 118:27

Ki Tuhan in ki Allah, Sia in mopia in gina kon inaton. Bayádon in muna moyotakin kokada-kadai in tanga, bo ḻibudon in mezbah i Tuhan.

MAZMUR 34:19

Ki Tuhan in nodiug kon intau inta kinobuḻian in kamang; bo moposaḷamat kon intau inta noinggamá in ibog.

MAZMUR 4:5

Kourotdon sin moondok bo dikadon bui mogaid kon mokobaradosa Tano-tanobbí pokopia, kon tungkuḷ in umuḻid mako kon tosiugan.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

MALEAKHI 3:3

Sia in mamangoi sin mohakim, naonda bo intau inta mondarit bo mopomurni in saḷaka. Naonda bo intau momomia kon logam mopomurni in buḷawan bo saḷaka, natuata in totabá i Tuhan in mopomurni in imang mita sinbá mosia in moposumba in kuruban mita podudui kon onu inta kinoibog i Tuhan.

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.