MAZMUR 51:15 - Alkitab Singog In Mongondow Masa In Tanaa

¹⁵ Dá tundúonku in parenta-Mu kon intau baradosa, sinbá mobuidon mangoi in mosia kon ini-Mu.

MAZMUR 51:15 ပူးပေါင်းရင်းမြစ်များ

KINOBAḺIAN 44:16

“Onu in motaau singogon nami, Tuangku?” tubag i Yohuda. “Naondabí in pomomayow nami, onupa in singogon nami pomayow kon tosingogon i Tuang? Ki Allah ain nopoontong in taḷá nami. Tanaa kami komintan nobaḻídon bobantung mita i Tuang, deemanbí tongá sia inta kinouḻían kon piala tatua.”

MAZMUR 119:13

Noḷangon in singogku in nopotaau in bayongan in hukum inta inogoi-Mu.

MAZMUR 9:14

Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

IḶUAIAN 4:11

Ki Tuhan in noguman kon inia, “Ki ine in nobogoi in bibig kon intau? Ki ine in nopobaḻí sia bobó ande bongoḷ? Ki ine in nopobaḻí kon inia nokoontong ande bilog? Diábí kinotaauanmu kon Akuoibí naa?

YEHEZKIEL 16:63

Ampungan-Kubí in bayongan in taḷámu, táe diábí koḻionganmu intua bo angoianbí in oyá in moguman kon onu bo onu in iko. Akuoi ki Tuhan Inta Totok in moḷantud ain nosingog.”

YEHEZKIEL 29:21

Aka tua bo mobaḻídon, baḻíon-Ku in Israel bangusa inta moropot, bo mobogoi kon inimu Yehezkiel, mosingog diá in moḷamboi dá bayongan in intau mokidongogdon kon inimu. Dá kotaauandon monia kon Akuoibí in ki Tuhan.”

YEHEZKIEL 3:27

Bain, aka Akuoi mosingog bui kon inimu bo mopobui in ropotmu mosingog bui, yo iko in mustibí mopotaau kon onu inta poguman-Ku, Tuhan Inta Totok in moḷantud kon i monia. Tongosilai kon i monia in mokodongogbí, táe tongosilai doman in diábí mokidongog, sin mosia in totuubí kon bangusa momomarontak.”

YEHEZKIEL 33:11

Potaaudon kon i monia, kon podoyon kon i-Nakó, ki Allah inta nobiag, ki Tuhan Inta Totok in moḷantud, diábí mopia in gina-Ku, aka intau moraat matoi; ibogon-Ku in sia in monaḷámai kon dosanea mita sinbá sia in umuran mobiag. Ei bangusa in Israel, pogogaidon in mogaid kon inta moraat! Nongonu sin moibogbí in moiko matoi?

MATIUS 22:12

Dá sia in noḻibó kon intau tatua, ‘Ei utat, nongonu sin iko in sinumuot mangoi táe diábí nomaké in ḷambung inta pororame?’ Intau tatua in tongá kibio-biómai.

MARKUS 7:34

Nopaḷut mako kon tua iḷumangag kon ḷangit in ki Yesus bo nogina noropot poḷat noguman kon intau tatua, “Epata,” mangaḻenea, “Kobukatdon!”

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

SAMUEL 1 2:9

Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.