MAZMUR 51:14 - Alkitab Singog In Mongondow Masa In Tanaa

¹⁴ Poḷungangadon in ginaku bui popisí in kasaḷamatan nongkon ini-Mu, ogoiaidon in gina inta moibog tumoindudui kon ini-Mu.

MAZMUR 51:14 ပူးပေါင်းရင်းမြစ်များ

KINOBAḺIAN 42:22

Ki Ruben in notubag, “Kinotaauan bidon monimu kon koḻipod ain pinogumanku kon i monimu sinbá adí tatua donaai yagi-yagionmai. Táe moiko in doí mokidongog. Dá tanaa kinopatoiannea in potuḻídon kon inaton.”

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

SAMUEL 2 12:9

Nongonu sin iko in diábí noindoimai kon parenta-Ku mita? Nongonu sin inaidanmubí in moraat ná tatua? Ki Uria in pinoki ḻimodmubí kon bonu in parang; pinomayámudon mako in sia iḻimod in intau in Amon, bo ginamámu in ki buḷoinea!

SAMUEL 2 21:1

Kon tungkuḷ in ki Daud nomarenta, nobaḻídon in malarat moḷoben inta nobaḻí kon bonu in toḷu notaong nouput. Bo nopoigum in ki Daud in topotundú kon i Tuhan soaḷ tatua, bo ki Tuhan in noguman, “Malarat tatua in popisíbí in taḷá i Saul bo motoḷuadínea, mosia in noḻimodon kon intau mita in Gibeon.”

SAMUEL 2 3:28

Naonda in kinodongogan i Daud in soaḷ tatua, noguman in sia, “Kinotaauanbí i Tuhan kon akuoi bo rayatku in diábí in taḷá kon pinoḻimodan kon i Abner tatua.

EZRA 9:13

Kami in binaradosadon bo iḻimimpatdon kon hukum-Mu, bo Iko in nohukumdon kon inami. Táe kinotaauanbí nami, o Allah nami, kon hukuman inta inogoi-Mu tua in diábí ná kobogat in inta musti tarimaan nami, nodapotbí in kami in pinosaḷamat-Mupabí.

NEHEMIA 9:33

Oaid-Mu in moadil, ihukum-Mu in kami inta binaradosa; Iko in umuranbí mosatia umpakabí in kami nopuḻing in aid mokotor.

MAZMUR 25:5

Tundúdon bo kapitdon in akuoi kon mobiag podudui in koibog-Mu, sin Ikobí in ki Allah inta noposaḷamat kon inakó, akuoi in umuranbí mongamang kon ini-Mu.

MAZMUR 26:9

Dika moḻimod kon inakó takin intau binaradosa, andeka morabut kon nyawaku takin moḷoḻimod.

MAZMUR 35:28

Dá akuoi in mopotaa-taaubí mako in kooadil-Mu, bo modayow kon ini-Mu kinoouput in singgai.

MAZMUR 38:22

O Tuhan, dika taḷaanmai in akuoi, dika yumayú kon inakó, o Allahku.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

MAZMUR 68:20

Dayowdon in ki Tuhan, sin Siabí in ki Allah inta noposaḷamat kon inaton; pomuḷoi in singgai momotaan in Sia kon dodiaan naton.

MAZMUR 88:1

Dondong. Mazmur in inanakan i Korah. Kon i itoi in mododondong. Podudui in dondong: Mahalat Leanot. Dondong topotundú i Heman, intau in Ezrahi.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YEHEZKIEL 33:8

Aka Akuoi in mopotaau kon intau moraat tobatú in matoi, táe diápa pinopotoingatmu kon inia sinbá baḷuiannea in gogutúnea bá mosaḷamat in sia, dá matoidon in sia saḷaku intau inta binaradosapa. Táe totaau kon kinopatoiannea in tuntuton-Kubí kon inimu.

DANIEL 9:16

Iko in noduḷudon kon inami in dungkuḷmai, tuamai in dikadon bui tumorú kon Yerusalem, kotá-Mu tontaní, tombuḷud-Mu inta motusi. Popisí in dosa nami bo aid moraat in mogoguyang nami, dá bayongan in intau kon diugmai nami in mopoompámai kon Yerusalem bo kon umat-Mu.

DANIEL 9:7

Oo Tuhan, aid-Mu umuranbí moitombutung bo moadil, táe kami in umuranbí mokopoangoi kon oyá kon inami tontaní, tuata in kami inta nogutun kon Yudea bo kon Yerusalem bo bayongan in intau tongobangusa nami inta ain pinorangkap-Mu kon butá mita inta nongoyayú bo inta nongodiug popisí in mosia diá motoindudui kon ini-Mu.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

HABAKUK 3:18

ginaku in umuranbí moḷunganga, sin Iko in ki Tuhan mopoposaḷamatku.

OUMAN IN RASUL MITA 18:6

Táe barang intau mita kon tua umuran moḷawang poḷat moningkuḻemai kon inia, dá sinoko topiranneadon in ḷobud kon ḷambungnea mita, saḷaku tanda mobogoi in tompoingat kon taḷá mita monia. Bo sia in noguman, “Aka mobodito in moiko, yo dongka bidon taḷá monimu tontaní! Pomayáku bidon mako! Tanaa mako akuoi in mayádon kon intau mita inta deeman Yahudi.”

OUMAN IN RASUL MITA 20:26

Tuamain, singgai naa in pogumankudon kon i monimu, aka oyúon in kon sigad monimu nion in mobodito, yo tua in deeman bidon taḷáku.

SURAT I PAULUS KON JAMAAT RUM 10:3

Diá kinotaauan monia mongo naonda in pogogaid i Allah monompia bui kon hubungan-Nea takin intau. Bo popisí in mosia moibog dumudui kon aid monia tontaní, dá mosia in doíbí dumudui kon aid inta sinundú i Allah.