MAZMUR 51:12 - Alkitab Singog In Mongondow Masa In Tanaa

¹² Baḻídon in ginaku naa modarit, o Allah, toimbagudon in ginaku takin ibog inta moroton.

MAZMUR 51:12 ပူးပေါင်းရင်းမြစ်များ

MAZMUR 119:133

Irigonaidon in ḷampangku podudui in dandi-Mu, dikabí pomayá mako kaasí in akuoi in kawasaan in moraat.

MAZMUR 13:5

Dika pomayá mako in musungku in moguman kon mosia in nonaḷowdon kon inakó. Dikabí pomayá mako in akuoi goḷokapan monia.

MAZMUR 17:5

Akuoi in umuranbí nobiag podudui in totundú-Mu bo diábí sinumabat nongkon totundú-Nea.

MAZMUR 19:13

Diábí in mokomangaḻe kon kinoḷaḻeannea; Tuhan, poḷuatdon in akuoi nongkon taḷá inta noibuni.

MAZMUR 21:1

Kon i itoi in mododondong. Mazmur i Daud.

MAZMUR 24:4

Intau inta diá in bogit in raian bo oaidnea, inta diá nongibot ubo-uboḷ bo diá nosumba kon berhala.

MAZMUR 35:9

Dá moḷunganga in ginaku popisí in ki Tuhan, mopia in ginaku sin Sia in noposaḷamat kon inakó.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YEREMIA 10:23

Tuhan, kinotaauanku kon diábí tobatúmai in intau in mokawasa monantú kon ukurnea andeka monantú kon daḷan kobiagannea.

LUKAS 1:47

bo mopia totok in ginaku sin ki Allah in mopoposaḷamatku.

SURAT I PAULUS KON JAMAAT RUM 14:4

Ki inebí in iko utat, sahingga in musti mopotaḷá kon ata intau ibanea? Moibanting ande moisindog in ata tatua, tua in urusanbí i tuangnea. Bo totuubí kon ata tatua in moisindogbí motorindog, sin mokomampubí in ki Tuhan in moḷukad sahingga in sia tantú simindog motorindog.

SURAT I PAULUS KON JAMAAT RUM 8:15

Sin Roho, inta inogoi i Allah kon i monimu, diábí mopobaḻí kon i monimu ata, sahingga moiko in mobiagdon kon bonu in porasaan moondok. Táe Roho i Allah in mopobaḻíbí kon i monimu ki adí mita i Allah. Bo takin kawasa in Roho tatua kita komintan in monangoi kon i Allah, “Amá, o Amáku!”

KORINTUS 2 3:17

Sin ki Tuhan tua in Rohobí; bo kon onda oyúon in Roho i Tuhan, yo kon tua oyúon in kabebasan.

PETRUS 1 1:5

Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.