MAZMUR 50:7 - Alkitab Singog In Mongondow Masa In Tanaa

⁷ “Indongogaidon, ei umat-Ku, Akuoi in mosingog, Israel, Akuoi in moibog gumuman kon i monimu; Akuoi naa in ki Allah, Allahmu.

MAZMUR 50:7 ပူးပေါင်းရင်းမြစ်များ

DATU MITA IMITÁNEA 18:39

Kon dodai in rayat mita nokoontong kon tua mita noitungkudon in mosia kon butá poḷat noguman, “Ki Tuhan tua in Allah! Totuu kon ki Tuhan tua in Allah!”

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

TAWARIKH 2 28:5

Popisí in ki Datu Ahas binaradosa, dá ki Tuhan Allahnea nopomayádon kon inia sinaḷow i datu in Siria inta nogakut doman kon nobayong totok in intau in Yohuda nobaḻí intau inta dinakop pinobayá in Damsyik. Pinomayá doman mako i Tuhan in sia sinaḷow i Datu Pekah ki adí i Remalya nongkon Israel, inta kon bonu in tosinggai noḻimod kon 120.000 in tontara in Yohuda inta mongobarani. Ki Tuhan, Allah in mogoguyang monia nopomayádon intua komintan nobaḻí, sin rayat in Yohuda diádon nopandungmai kon i Tuhan.

MAZMUR 49:1

Mazmur in inanakan i Korah. Kon i itoi in mododondong.

MAZMUR 81:8

Kon bonu in susamu moiko in mokuani, bo Akuoi in noposaḷamat kon i monimu. Sinubagan-Ku in moiko nongkon gotup tampat inta pinogadopan-Ku, Sinungkuḷan-Ku in moiko kon bokaká in tubig Meriba.

MAZMUR 81:9

Indongogaidon in toingat-Ku, ei umat-Ku, Israel, aka kuma bo moiko moibog mokidongog kon i-Nakó!

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

YESAYA 1:18

Ki Tuhan in noguman, “Igai toḻisíon naton in pelekara tanaa. Umpaka moiko mopura bayan popisí in dosamu mita, yo moiko in daritan-Kubí modapot in mobudó naonda bo kapot. Umpaka dosamu mita mobarong bo mobogat, moiko in ampungan-Kubí komintan.

YEREMIA 2:9

Ki Tuhan in noguman, “Tanaa in umat-Ku in pinelekara-Ku bui, bo buínea in sisigan-Ku.

YEHEZKIEL 20:5

Poyaputdon in onu inta pinoguman-Ku tanaa. Akuoi in nomiḻídon kon Israel bo nongibotdon kon i monia. Kon Mesir, Akuoi in nokipogontong kon i monia poḷat noguman, ‘Akuoi naa in ki Tuhan Allahmu.’

YEHEZKIEL 20:7

Pinoki ḷumbú-Ku kon i monia in patong mita mokorongó inta kinoibog monia tua, bo inimaḷowan-Ku in mosia in moponajis in awak monia pongin mosumba kon berhala mita kon Mesir, sin Akuoibí naa in ki Tuhan Allah monia.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”